Назарбаев: Құрбан айт адамдарды кеңпейілділік пен қайырымдылыққа тәрбиелеп, ізгілікке жетелейді

Назарбаев: Құрбан айт адамдарды кеңпейілділік пен қайырымдылыққа тәрбиелеп, ізгілікке жетелейді

Қазақстан Республикасының Президенті Нұрсұлтан Назарбаевтың Құрбан айт мерекесімен құттықтады, - деп хабарлайды Tengrinews.kz тілшісі Ақордаға сілтеме жасап.

Президент қасиетті Құрбан айттың адамзатты бейбітшілік пен келісімге, өзара түсіністік пен жанашырлыққа үндейтінін атап өтті. "Барша қазақстандықтарды мұсылман қауымының қастерлі мерекесі - Құрбан айт мейрамымен шын жүректен құттықтаймын! Қасиетті Құрбан айт адамзатты бейбітшілік пен келісімге, өзара түсіністік пен жанашырлыққа үндейді. Менің шешіміммен Құрбан айттың алғашқы күні - демалыс күні болып жарияланған", - деп еске салды елбасы.

Сонымен қатар, Назарбаевтың айтуынша, бүгінгі таңда осынау қастерлі мереке Қазақстан халқының бірлігін, түрлі этностар мен конфессиялар арасындағы өзара түсіністікті нығайтуға ықпал етіп келеді. "Құрбан айт адамдарды кеңпейілділік пен қайырымдылыққа тәрбиелеп, ізгілікке жетелейді. Бұл мереке мұқтаж жандарға қол ұшын беру сияқты гуманистік дәстүрлерді нығайтуға елеулі үлес қосып, қоғамдағы имандылық бастауларын нығайтатын ізгі ниет пен игілікті амалдарда көрініс табады. Ислам дінінің осындай жасампаз әлеуеті рухани-адамгершілік құндылықтарды дамытуға, отансүйгіштік рухына негізделе отырып, қоғамдағы татулық пен конфессияаралық келісімді өркендетуге одан әрі қызмет ете береді деп сенемін", - деді ол. Сөз соңында Қазақстан Президенті барша қазақстандықтарға зор денсаулық, береке, бақыт және мол табыс тіледі.

Айта кетейік, бұл жылы айтты қазақстандықтар 24-27 қыркүйек аралығында атап өтеді. Ал бүгін, 24 қыркүйек демалыс болып жарияланды.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Асылан ТІЛЕГЕН. Жұмбақ қалалар
Асылан ТІЛЕГЕН. Жұмбақ қалалар
Өмірде жоқ жануардың суретімен өзіңізді таныңыз
Өмірде жоқ жануардың суретімен өзіңізді таныңыз
Үкімет шектеу шараларын 2 тамызға дейін ұзартты
Үкімет шектеу шараларын 2 тамызға дейін ұзартты
Шілде айындағы 42 500 теңге қалай беріледі?
Шілде айындағы 42 500 теңге қалай беріледі?
Дятлов асуының құпиясы 60 жылдан кейін ашылды
Дятлов асуының құпиясы 60 жылдан кейін ашылды
Карантин екі аптаға ұзартылып, 42 500 теңгеден беріледі
Карантин екі аптаға ұзартылып, 42 500 теңгеден беріледі