Назарбаев Астанада Пан Ги Мунмен кездеседі
Фото:
tn.kz
Қазақстан Президенті Нұрсұлтан Назарбаев Астанада өтетін Әлемдік және дәстүрлі діндер көшбасшыларының V съезіне қатысады, - деп хабарлайды Tengrinews.kz тілшісі Ақорда сайтына сілтеме жасап. Мемлекет басшысы Съезд жұмыстары барысында бірқатар кездесу өткізеді.
9 маусымда Қазақстан Президенті Астанада өтетін Әлемдік және дәстүрлі діндер көшбасшыларының V съезі аясында Финляндия Президенті Саули Ниинистёмен кездеседі деп жоспарланып отыр.
10-11 маусымда Мемлекет басшысы "Діни көшбасшылар мен саяси қайраткерлердің бейбітшілік және даму жолындағы диалогы" деген тақырыппен өтетін Съездің жұмысына қатысады.
Съезд аясында Нұрсұлтан Назарбаевтың БҰҰ Бас хатшысы Пан Ги Мунмен және Иордания Королі ІІ Абдалламен кездесуі жоспарланған.
М. Бисембаева