Tengrinews.kz еліміздің ұлағатты ұстаздарымен таныстырады

Tengrinews.kz еліміздің ұлағатты ұстаздарымен таныстырады

Ұстаз деген сөзді естігенде өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын бір жағынан қатал, бір жағынан алғыр адамды елестетеміз. Бүгінде бүкіл өмірін қызметке, яғни мектепке және балаларға арнаған ұстаздар жетерлік. Осы мұғалімдерді бүкіл елге таныту мақсатында Tengrinews.kz редакциясы "Қазақстанның ұлағатты ұстаздары" жобасын қолға алды.

Осыған дейін редакция Мұқағали Мақатаевтың 380 өлеңін жатқа білетін, осымен алтыншы жыл мұғалімдік қызметте жүрген Дәурен Сағынғалиев жайлы әңгімелеген еді. Ол сұхбатында мұғалімдік жолды неге таңдағанын, педагогтар әулетінен шыққаны жайоы және өзі білім алған мектебі туралы әңгімелеп, биыл тестілеуге кіретін талапкерлерге ақыл-кеңесін айтқан еді.

Ал бұл жолы жұмысына жан-тәнімен берілген, осы салаға елеулі үлесін қосқан мұғалімдердің бірі Галина Аркадьевна жайлы материал ұсындық. Галина Аркадьевна әлі күнге дейін мектепте жұмыс істеп жүр. Ол өз жұмысын сүйгені соншалық - өзінің кішігірім жалақысынан кітап сатып алып, бүкіл оқушыға дауыстап оқып беріп отырған. Галина Аркадьевна кітап оқуды өте жақсы көреді, тіпті ол қасиетті оқушыларының бойына да сіңіре алған. Бұл мұғалімнің тағы бір таңғажайып ерекшелігі 13 жыл өтіп кетсе де, ол әр жыл сайын оқушысын туған күнімен құттықтап отырады екен. 

Мектеп кезіңізді еске түсіре отырып, сүйікті мұғалімдеріңіз немесе балаларыңыздың ұстаздары жайлы айтарыңыз болса, news@tn.kz поштасына хабарлама жіберсеңіздер болғаны. Осы жоба арқылы алғыс айтылуы тиіс мұғалімдерімізді бүкіл елге танытқымыз келеді.

Жоба ERG компаниясының қолдауымен жүзеге асырылады.

Massaget