"Біліп жүріңіз" бағдарламасының 8-санында Торғайдан табылған геоглифтер жайлы айттық. Тек биіктен ғана көрінетін жазық даладағы сыр бүккен суреттер осыдан 8000-3000 жыл бұрын салынған деседі. Бұл нысан жайлы ғалымдар дөп басып нақты ештеңе айта алмай келеді. Десе де, 2016 жылы Торғай геоглифтеріне зерттеу жұмыстарын жүргізу үшін "QazaqGeo" экспедициясы аттанып, осыған дейін айтылмаған талай құпияның бетін ашты. Экспедиция құрамында болған massaget.kz фототілшісі Ернар Алмабек сапар барысында жергілікті торғайлықтармен тілдесіп, геоглифтер жайлы ақпарат жинап, әңгімеге арқау болған орынды суретке, видеоға түсіріп қайтқан еді. Қордағы осы деректерді пайдалана отырып, бағдарламамыздың кезекті санын жарыққа шығардық. Қабыл ал, қадірлі көрермен!