iPhone 6 смартфоны iPhone 5s-тен қымбат болады

"Үлкен"  iPhone үшін қанша төлеуге дайынсыз? 125, 150 немесе 175 мың теңге? Ғаламторда жарияланған соңғы жаңалықтарға құлақ түрер болсақ, нақтырақ, Telefonica испандық байланыс операторы смартфонның соңғы үлгісі алдыңғысына қарағанда әлдеқайда қымбат болатынын хабарлайды.

BGR ақпараттық желісінің мәлімдесіне орай, 4,7-дюймді iPhone 6 смартфоны 750 еуроға (988 АҚШ доллары), ал 5,5-дюймді нұсқасы 950 еуроға (1242 АҚШ доллары) бағаланатын болады. Бұл тек 16 ГБ қосалқы жадысына ие болған нұсқаларының бағасы болып отыр.

Ескере кеткен жөн, қазірдің өзінде, еліміздегі iPhone 5s флагманына деген сұраныс өте көп және оның құны да шарықтап тұр.

Дегенмен, Apple корпорациясы өнімнің құнын тағы 100 АҚШ долларына қымбаттатуды ұйғарып жатыр. Бірақ оны әзірге ешбір ретейлерлік компаниялар растаған жоқ.

Дайындаған: Жолдас Өрісбаев

Сурет: appleinsider.ru