Бағасы – 149 999 теңге. HONOR X8a – 100 МП камерасы бар смартфон

Мобильді құрылғылар нарығында өзгерістер жоқтың қасы. Дәл осындай пікірді кейінгі 2 жылда техноблогерлер мен осы салаға қатысты мамандар жиі айтып жүр. Мүмкін,  мұнда шындық та бар шығар, бірақ қазақстандық нарықты тағы бір қызықты жаңалық күтіп тұр. Бұл – HONOR X8a бюджеттік смартфоны. Жаңа құрылғы бізді несімен таңғалдырады?

Флагмандық мобильді құрылғылар әлемінде басымдыққа ие екі-үш бренд бары жасырын емес. Жыл сайын олар «процессорын немесе корпусын мықтырақ» етіп жаңарту жасап келеді. Ал қалтаға көп салмақ түсірмейтін смартфондар өндірісінде алға жылжу немесе қайта өрлеу бар. Өндірушілер бұл смартфондар корпусын арзан материалдармен жасауды біржола тоқтатқан деуге болады. Қазіргі заманауи қолжетімді смартфонды дизайны бойынша флагмандық нұсқадан ажырату оңай емес.

HONOR X8a бір көргеннен-ақ тартымдылығымен таңғалдырады. Корпусының жан-жағы қолға ұстағанға ыңғайлы, бүйір дөңестері сүйірленген. Артқы корпусы құмды суретпен өрнектелген. Артқы корпусына камералар блогы ұқыпты орналастырылған. Дөңес бөлік телефонның қолынан сырғып кетуіне жол бермейді және белгілі бір психологиялық сенімділік сезімін береді.

Мобильді құрылғының қалыңдығы – 7,48 миллиметр, салмағы – 179 грамм. Дисплей смартфонның алдыңғы панелінің 93,6 пайызын алады. Мұнда 1080×2388 ажыратымдылығы және 90 Гц жаңарту жиілігі бар IPS матрицасы қолданылады, бұл мобильді ойын әлеміне қуанышпен және еш қиындықсыз қосылуға жеткілікті деңгей.

Смартфонның жедел жады – 6 гигабайт, ал ішкі жады – 128 гигабайт. Жадты кеңейтуге мүмкіндік жоқ. Бір жағынан, бұл алаңдатады, екінші жағынан, сіз смартфонның жадын қашан толтырған едіңіз? Қазір Android және Google қызметтері арқылы «бұлтты кеңістікке» қажет дүниелерді сақтау өте оңай және қауіпсіз.

HONOR X8a-да үш камера бар: жақсы жарық линзасы бар, бірақ оптикалық тұрақтандырғышы жоқ негізгі 100 мегапиксельді сенсор, қарапайым 5 мегапиксельді кең бұрышты және 2 мегапиксельді макро камера. Дәстүрлі түрде 100 мегапиксельді маркетинг кадрға 9 пиксельден тұратын 12 мегапиксельді кескінді шығарады, HONOR соңғы кескінді өңдеудің басқа әдісін қолданды: біріктірілген 4 пиксель. Нәтижесінде біз 25 мегапиксельді jpeg аламыз, ол бекітілген 128 гигабайттық жад модулін ескерсек, көп болып көрінуі мүмкін, бірақ сапа үшін мұндай қадамға баруға болады. Сурет сапасы жоғары болады, бұл осы бағадағы смартфон үшін ең жоғарғы көрсеткіш.

HONOR X8a Android 12 операциялық жүйесінде Magic UI 6.1 негізінде жұмыс істейді. Google қызметтеріне қол жеткізуде ешқандай қиындықтар жоқ. Графикалық қабықтың өзі өте жағымды және қысқа, қажетсіз анимацияларсыз – барлығы мүмкіндігінше интуитивті және таныс.

Қорытындылай келе айтатын тағы бір ерекшелігі – батарея қуаты. HONOR X8a 4500 мАч аккумуляторымен жабдықталған. Ол музыка ойнағанда 13 сағат және қысқа бейнелерді көргенде 11 сағат жұмыс істей алады. Қолданбаларды белсенді пайдалану режимінде құрылғы жоғары тұрақтылықты көрсетті: қуаты бүкіл жұмыс күні үшін жеткілікті болды. Сонымен қатар, HONOR SuperCharge 22,5 Вт жылдам зарядтау технологиясының арқасында смартфон бір сағаттан аз уақытта толық қуатталады.

HONOR X8a – ерекше дизайнге ие, фото-видео мүмкіндіктері айрықша сапалы қарастырылған қолжетімді бюджеттік смартфон. Бұл жеткілікті ме? Біз шешім қабылдап үлгердік, кезек сізде.

HONOR X8a Қазақстанда үш түсте сатылымға шықты: «титан күміс түс», классиканы ұнататындар үшін ашық қара және HONOR X жаңа серияларына арналған аспан көк түс. Бағасы – 149 999 теңге. 31 наурызға дейін сатып алғандар HONOR Choice Earbuds X3 Lite құлаққабын сыйға алады.