Науқасқа тұңғыш рет 3D принтерде басылған жасанды құлақ салынды

АҚШ дәрігерлері алғаш рет 3D принтерде басып шығарған құлақты 20 жастағы науқасқа салды. Бұл туралы tengrinews.kz жазды.

Америкалық 3DBio Therapeutics биотехнологиялық компаниясының дәрігерлері науқастың өз жасушаларынан 3D принтерде басып шығарған құлақты трансплантацияды. AuriNovo деп аталатын бұл революциялық имплантация процедурасын микротияға маманданған жетекші педиатриялық құлақ реконструктивтік хирургы, медицина ғылымдарының докторы Артуро Бонилла басқаратын топ орындады.

AuriNovo – микротиямен (бір немесе екі сыртқы құлағы жоқ немесе дамымаған сирек туа біткен деформация) туған адамдардың сыртқы құлағын хирургиялық жолмен қалпына келтіру үшін 3D биопринтинг технологиясы арқылы жасалған пациентке сәйкес келетін тірі ұлпа имплантаты.

Хирургтар пациенттің құлақ орнындағы шеміршегін алып тастап, оны сау құлақ ретінде басып шығару үшін 3D сканерлеуімен бірге 3DBio Therapeutics компаниясына жіберді. Онда тін үлгісінен хондроциттер (шеміршек түзілуіне жауапты жасушалар) бөлініп, көбейтіледі. Осылайша импланттың шеміршек тіні қалпына келтіріледі.

"Дүние жүзіндегі мыңдаған балаларды микротиямен емдеген дәрігер ретінде мен бұл технологияның микротиямен ауыратын науқастар мен олардың отбасылары үшін нені білдіретіні шабыттандырады. AuriNovo бір күні қазіргі хирургиялық реконструкция әдісі арықылы жасалатын жасанды құлақтың орнын алмастырады деп үміттенемін", - деді доктор Бонилла.

Уақыт өте келе имплантацияланған құлақ табиғи көрініске ие болады деп күтілуде және оған жүйке тамыры өскен сайын сезімталдыққа ие болады.

AuriNovo микротиясы бар науқастарда сыртқы құлақ реконструкциясы үшін дәстүрлі түрде қолданылатын қабырға шеміршек трансплантаты мен синтетикалық материалдарға балама ретінде жасалған.

"Біз микротия клиникалық сынағы осы инновациялық өнімнің құндылығы мен оның микротия пациенттеріне оң әсер етуі туралы нақты дәлелдер беріп қана қоймайды, сонымен қатар тірі тіндік импланттарды өндіру технологиясының әлеуетін көрсете алады деп есептейміз", - деді директор және 3DBio негізін қалаушы Дэниел Коэн.

Бұған дейін Ұлыбритания тұрғынына дәрігерлер алғаш рет 3D-принтер көмегімен жасалған көзді трансплантациялаған болатын.