Ресейлік дизайн-студия бір жыл бойы жасанды интеллектіге логотип жасатқан

Ресейлік дизайн-студия бір жыл бойы жасанды интеллектіге логотип жасатқан

Дизайнер Артемий Лебедевтің студиясы жасанды интеллектіні пайдаланып, бір жыл бойы 20 шақты коммерциялық жоба жасаған. Осыған дейін нейрожүйе жасаған логотиптер қашықтан жұмыс істейтін дизайнердің жұмысы деп таныстырылып келген.

Жасанды интеллектіге ойдан шығарылған Николай Иронов деген ат берген.

Тіпті оның түрі де ойдан шығарылған. Нейрожүйе студиядағы барлық дизайнердің суретін араластырып, жиынтық портрет жасаған.

Клиенттер логотипті нейрожүйе жасағанын білмеген. Тіпті ол туралы студиядағы өзге дизайнерлер де білмей келген.

Николай Ироновтың портфолиосы мынадай:

"Исследуй себя" онлайн студиясы

"Touch of Matcha" кафесі

"Летчик" компаниясы

"Пивотека" желісі

"Кан" компаниясы

"Pamplona capital" компаниясы

Иронов көбіне экспресс-дизайн жасап келген. Экспресс-дизайн – клиенттің артық түзетуінсіз жасалатын бір реттік қызмет. Нейрожүйе жасаған жобалар миллиондаған аудиторияның көзайымына айналған. Кейбірі ерекше стилінің арқасында кеңірек танымал болды.

Нейрожүйе тапсырыс берген компания туралы ақпаратты өңдей алады, соған сай түс, стиль таңдап, толыққанды айдентика жасайды. Жасанды интеллект студияның бірнеше жыл бойы жиған мұрағаты негізінде өте күрделі алгоритмдерді пайдаланады екен, соның арқасында айрықша дизайн жасалады.

 

Студияның айтуынша, жасанды интеллект бірегей дүние жасайды және бұл эксперимент емес. Иронов коммерциялық тапсырмалардың орындай алады, тәулігіне 24 сағат жұмыс істей береді, ауырмайды, шығармашылық күйзеліске душар болмайды, жұмысты бірнеше секунд ішінде бітіреді және ең бастысы ерекше жоба жасайды.

"Ең прогрессив дизайнердің өзі өзге дизайнердің жақсы жұмысына, халықаралық премиялардың жюриіне, өз тәжірибесіне қарап бейімделеді. Ал жасанды интеллект ешкімге еліктемейді, бейімделмейді. Ол ешбір адамның ойына келмейтін дүние жасайды және шын мәнінде ерекше жоба жасауға қабілетті.

Бұл жаңалық шығармашылық процестердің автоматизациясының басталғанын көрсетеді", - делінген ресми жазбада.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Instagram Reels – TikTok-тың жаңа аналогы
Instagram Reels – TikTok-тың жаңа аналогы
Бала бақшаны қалай дұрыс таңдау керек? i-balaqai жобасында − Лейла Күленова
Бала бақшаны қалай дұрыс таңдау керек? i-balaqai жобасында − Лейла Күленова
Жер бетінен аралар жойылып кетсе не болады?
Жер бетінен аралар жойылып кетсе не болады?
Көлік сатып алушыға 5 кеңес
Көлік сатып алушыға 5 кеңес
Ұлттық құрама капитаны кәсіпқой боксқа ауысты
Ұлттық құрама капитаны кәсіпқой боксқа ауысты
10 тамыз Абай күні болып бекітілді
10 тамыз Абай күні болып бекітілді