Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Спорт / Жаңалықтар / Қанат Ислам көпбалалы анаға баспана сыйлады

Қанат Ислам көпбалалы анаға баспана сыйлады

Қанат Ислам көпбалалы анаға баспана сыйлады

Қазақстандық кәсіпқой боксшы Қанат Ислам көпбалалы анаға Нұр-Сұлтан қаласында пәтер кілтін табыстады.

Гүлшат Баяділова – 8 баланың анасы, "Күміс алқа" иегері. Балалары колледж және мектеп оқушылары. Екінші баласы науқас, қаржының тапшылығынан медициналық көмек уақытылы көрсетілмегендіктен, нақты диагнозы анықталмаған.

"Ел-Несібе" Қайырымдылық қоры" қоғамдық қоры баспананың зардабын тартып келген отбасының жағдайын естігенде көмек қолын созатын адамды іздестірген. Қанат Ислам 5 шілдеде Алматыда өткен бокс кешінен жиналған қаржының бір бөлігіне көпбалалы отбасыға баспана алып беруді ұйғарған.

Осылайша жомарт пейілді боксшымыз Нұр-Сұлтан қаласының оң жағалауында Сарыарқа ауданында орналасқан пәтердің кілтін көпбалалы анаға тапсырды. Пәтердің іші тұрмысқа қажетті барлық техникалармен, төсек-орынмен толық жабдықталған.

 
 
 
Посмотреть эту публикацию в Instagram

Публикация от "Ел-Несібе" Қайырымдылық қоры (@el_nesibe)19 Сен 2019 в 9:43 PDT

Былғары қолғап шебері кәсіпқой рингте 26 жекпе-жек өткізіп, бәрінде жеңіске жеткен. Оның 21-н уақытынан бұрын аяқтаған. 5 шілде күні Алматы қаласында өткен бокс кешінде Қанат Ислам доминикандық Хулио де Хесусты 14 секундта ұтып, орта салмақта WBO Inter-Continental чемпиондық атағын жеңіп алған еді. 

Келесі жекпе-жегін 26 қазан күні Алматыда өткізеді. Отандасымыз қарсыласы намибиялық боксшы Уолтер Каутондоква (18-1, 17 КО) болмақУолтер Каутондоква – 34 жаста. 2018 жылы WBO-ның орта салмақтағы чемпионы Деметриус Андрадемен (26-0, 17КО) қолғап түйістірген. 119-105, 120-104, 120-104 есебімен америкалық боксшыға есе жіберіп, алғаш рет жеңілістің кермек дәмін татқан. Осы жылдың мамыр айында малавилік боксшы Симон Тшетаны нокаутпен жеңген.

Қанат Ислам бұған дейін де қайырымдылық іспен айналысатын. Бурабайда өткен қайырымдылық аукционында Қанат Исламның қолғабы, сондай-ақ Геннадий Головкин, Дмитрий Баландин секілді өзге танымал спортшылардың жабдықтары бәссаудаға қойылған еді. Бұдан бөлек  Батырхан Шүкеновтің жеке коллекциясы, Алматы қаласындағы ботаникалық бақтағы атаулы отырғыш, даңқты теннисші Рафаэль Надальдің қолы қойылған ракеткасы, танымал футболшы Криштиану Роналдудың қолы қойылған бутсы және екі адамға арналған Вена операсына экскурсия болды. Бәссаудадан түскен қаражата үш ауыл және екі аудандық ауруханаларға медициналық құрылғы алуға жұмсалды.

0
Рейтинг: +5

Дайындаған: Айбар Рысдәулет
Фото: Massaget
Қосылған күні: 20 қыркүйек, 13:40

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.