Головкинді қолдап үздік видео түсіргендер арасында байқау жарияланды

Vesti.kz спорт порталы канадалық Стив Ролсспен жұдырықтасатын қазақстандық боксшы Геннадий Головкинді қолдау мақсатында үздік видео түсіргендер арасында байқау жариялайды.

Сайт ақпараты бойынша байқауға әлеуметтік желілерге #GGGалға, #GGGalga, #GGGbizbirgemyz, #GGGмывместе, #vestikz хэштегтерімен (жазбада барлық бес хэштег көрсетілуі тиіс) видео жариялаған кез келген қазақстандық қатыса алады. 

Редакция үздік үш видеоны таңдап, жеңімпаздарға Головкиннің Нью-Йорктегі жекпе-жегінен GGG есімі жазылған бренд бас киімді сыйлайды.

Байқауға қатысу жолы өте оңай. Отандасымызды қолдап, үздік видео түсіріп, Instagram желісінде жоғарыдағы хэштегтермен жарияласаңыз болғаны. GGG кепкасы сіздікі болуы бек мүмкін.

Айта кетейік, байқау 7 маусымға дейін жалғасады. Үздік видеолар 10 маусымда Vesti.kz порталында жарияланады.

 

 

 

Посмотреть эту публикацию в Instagram

Поддержим Геннадия Головкина вместе! Следующий бой @gggboxing проведет против непобежденного канадца Стива Роллса 8 июня в Нью-Йорке. #GGGалға #GGGalga #GGGbizbirgemyz #GGGмывместе #GGG​ #Golovkin​ #GGGBoxing​ #GGGPromotions​ #DAZN​ #MSG​ #NYC​ #KAZ​ #boxing​ #бокс​ #Головкин​ #GolovkinRolls​ #GGGvsRolls​ #ГоловкинРоллс​​ #GGGRolls​ #USA​ #США​ #Kazakhstan​ #Казахстан​ #Vestikz​

Публикация от Vestikz (@vestikzgram)29 Май 2019 в 5:18 PDT

Жуырда қарағандылық кеншілер де кәсіпқой боксшы Геннадий Головкинді қолдап, айрықша флешмоб ұйымдастырған болатын.

Геннадий Головкин келесі кездесуін 8 маусым күні (Қазақстанда 9 маусым таңда) Нью-Йорктағы Madison Square Garden аренасында өткізеді. Қарсыласы - канадалық Стив Роллс. Отандасымыз DAZN стримингтік сервисіндегі келісімшарты бойынша алғашқы жекпе-жегіне шығады.