Геннадий Головкин мен Сауль Альварес допинг тексеруден өтті
Орта салмақта WBA (Super), IBO, WBC және IBF тұжырымдары бойынша әлем чемпионы атағына ие отандасымыз Геннадий Головкин мен мексикалық Сауль Альварес екінші жекпе-жегі алдында допинг тексеруден өтті.
Бұл жекпе-жек бойынша допинг-сынаманы VADA (Допингке ерікті тестілеу қауымдастығы) жүргізеді. Боксшылар сынаманы Бүкіләлемдік бокс кеңесінің (WBC) "Таза бокс" бағдарламасы аясында тапсырды.
VADA ұйымының твиттердегі ресми парақшасында GGG сынаманы жетінші рет, ал "Канело" - алтыншы рет тапсырғаны жазылған.
Қос боксшы арасындағы екінші кездесу 5 мамыр күні өтеді. НВО арнасы ақылы көрсетілім (РРV) бойынша трансляция тарататын болады. Әзірге жекпе-жектің қайда өтетіні белгісіз.
Айта кетейік, Геннадий Головкин мен Сауль Альварес арасындағы алғашқы кездесу 16 қыркүйекте Лас-Вегаста өткен болатын. Төрешілер шешімі бойынша боксшылар тең түскен-ді.
Ө. Сансызбай