«Ордабасы» «Ақтөбе» қақпасына алғаш рет үш гол соқты (видео)

«Ордабасы» «Ақтөбе» қақпасына алғаш рет үш гол соқты (видео)

Футболдан ел премьер-лигасының бірінші туры аяқталды. Екінші күні өткен ойындарда алаң иелері «Ордабасы», «Ертіс»  және «Тобыл» клубтары ұпайдан шашау шығармады.

Шымкентте жергілікті «Ордабасы» ақтөбелік клубты 3:1 есебімен ұтты. Алдымен Азат Нұрғалиев пенальтиді сәтті орындаса, бірінші тайм ақталар тұста Эдин Юнузович есепті 2:0-ге жеткізді. 54 минутта Азат Нұрғалиев дубль авторы атанды. Қонақтар сапынан клубтың өзбекстандық легионері Бобир Давлатов бір голды өз еншісіне жазды.

Бақтияр Байсейітов жаттықтыратын шымкенттік клуб өз тарихында «Ақтөбені» бесінші рет жеңіп отыр. Осыған дейін өткізген 36 ойынның 4-де ғана «Ордабасы» жеңіске жетіп, 10 ойын тең аяқталған. Сондай-ақ шымкенттік ұжым «Ақтөбе» қақпасына алғаш рет үш гол соқты.

«Тобыл» мен «Ертіс» те маусымды жеңіспен бастады

Қостанайдың «Тобыл» клубы өз алаңында премьер-лигаға жаңа қосылған «Ақжайықпен» кездесті. Өз алаңында өткен ойында қостанайлықтар қонақтарды бір доп басымдығымен ұтты. Ойындағы жалғыз голды украиналық легионер Константин Дудченко соқты. Ол осыған дейін Павлодардың «Ертіс» клубында ойнап келген болатын. Жаңа маусымдағы жаңа клубындағы бірінші ойынында-ақ нәтижелі ойынымен көзге түсіп отыр.

«Ертіс» те ұпай жоғалтқан жоқ. Өз алаңында Көкшетаудың «Оқжетпес» клубын ұтты. Алаң иелеріне жеңіс сыйлаған голды 41 минутта Сергей Малый соқты.

Айта кетейік, кеше «Астана» өз алаңында «Шахтерды», «Тараз» «Қайратты» ұтса, Талдықорғанда «Жетісу» мен «Атырау» тең ойнаған болатын. 

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

5G жайлы 5 миф
5G жайлы 5 миф
Жалғас Жұмағұловтың UFC-дегі алғашқы жекпе-жегін қайдан көруге болады?
Жалғас Жұмағұловтың UFC-дегі алғашқы жекпе-жегін қайдан көруге болады?
Бауырдың қабынуы
Бауырдың қабынуы
Айдын Рахымбаев коронавирус жұқтырғандарды тегін емдейтін орталықтар ашпақ
Айдын Рахымбаев коронавирус жұқтырғандарды тегін емдейтін орталықтар ашпақ
Қоғам белсенділері тыныс алу аппаратын өңір-өңірге таратуда
Қоғам белсенділері тыныс алу аппаратын өңір-өңірге таратуда
iPhone 12-нің бағасы қанша?
iPhone 12-нің бағасы қанша?