Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Спорт / Жаңалықтар / «Астана» жаңа маусымды жеңіспен бастады

«Астана» жаңа маусымды жеңіспен бастады

«Астана» жаңа маусымды жеңіспен бастады

Бүгін футболдан ел премьер-лигасы басталды. Маусым шымылдығын түрген ойында елордалық «Астана» өз алаңында Қарағандының «Шахтер» клубын ұтты. Ал жақында ғана ел Суперкубогын жеңіп алған Алматының «Қайраты» түзде «Таразға» есе жіберді.

Жаңа маусымның бірінші голын Ұлан Қонысбаев соқты

Ел премьер-лигасының жаңа маусымындағы бірінші голды «Атырау» шабуылшысы Ұлан Қонысбаев өз еншісіне жазды. Өткен маусымда «Қайрат» клубында ойнаған футболшы жаңа командасындағы алғашқы голын Талдықорғанның «Жетісу» клубына соқты. Ал ойын 1:1 есебімен аяқталды. «Жетісуді» Бауыржан Тұрысбек жеңілістен құтқарып қалды.

«Қайрат» «Таразға» есе жіберді

Чемпиондық атаққа барынша үміткер клубтардың бірі саналатын Алматының «Қайраты» жаңа маусымды жеңіліспен бастады. Таразда өткен ойында жаңа жаттықтырушы Александр Бородюк командасы алаң иелерін ұта алмады. «Тараз» сапынан Игорь Зенькович пен Тарас Данилюк гол соқса, «Қайрат» сапынан есепті қосымша уақытта Виталий Ли қысқартты.

«Астана» жеңіліп тұрып, жеңді

Өткен маусымда ел чемпионы атанған елордалық «Астана» өз алаңында Қарағандының «Шахтер» клубын ұтты. Бірінші таймда «кеншілер» Корнелис Уббинк соққан голдың нәтижесінде алға шыққан болатын. Алайда қарағандылық ұжым жеңіс түгіл, тең ойынды сақтап қала алмады. Екінші тайм басында Джордже Деспотович таразы басын теңестірсе, 65 минутта Танат Нөсербаев «Астананы» алға шығарды. Нәтижесінде Станимир Стойлов шәкірттері алғашқы турда ұпайдан шашау шығармады.  

Айта кетейік, ел премьер-лигасының қалған үш ойыны ертең өтеді. Шымкентте жергілікті «Ордабасы» мен «Ақтөбе» ойнаса, Павлодарда «Ертіс» пен Көкшетаудың «Оқжетпес» клубы, Қостанайда «Тобыл» мен Оралдың «Ақжайық» клубы ойнайды. 

Фото: vk.com
Қосылған күні: 12 наурыз 2016, 17:27

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.