Елена Рыбакина Олимпиаданың ширек финалына өтті
Фото:
olympic.kz
Қазақстандық теннисші Елена Рыбакина Токиодағы Олимпиада ойындарының ширек финалына шықты. Ол 1/8 финалда хорват спортшысы Донна Векичті жарыс жолынан шығарды.
1 сағат 42 минутқа созылған ойында қазақстандық теннисші қарсыласын 2:0 есебімен ұтты. Бірінші сетте тай-брейкте басым болса, екінші сетте 6:4 есебімен жеңіп шықты.
Елена Рыбакина ширек финалда испандық теннисші Гарбинье Мугурусамен кездеседі. Екі теннисші шілде айында ойнаған. Ол кезде Елена есе жіберген еді. Сол есесін Токио Олимпиадасында қайтарады деген сенімдеміз.
Н. Үсенова