«Барселона» мен «Атлетико» ұпай жоғалтты

Англия. Премьер-лига.

Ағылшын премьер-лигасының тізгінін «Арсенал» берер емес. Десе де бір жеңіліс бірден төмен сырғытары анық. Өйткені Арсен Венгер командасын өкшелеп келе жатқан ұжымдар жоқ емес. Ал 22-ші турда «канонирлер» өз алаңында «Фулхэмды» тізе бүктірді. Лондондық дербиде Санти Касорла дубль авторы атанды.

Бұл турда «Манчестер Сити» мен «Тоттенхэм» де жүрісінен жаңылмады. Мануэль Пеллегрини шәкірттері өз алаңында «Кардифф Ситиді» 4:2 есебімен қиналмай жеңді. Жасыл алаңға қайта оралған Серхио Агуэро мергендер көшінен қалмайтынын тағы бір дәлелдей түсті. Ал жақында ғана лондондық команда тізгінін ұстаған Тим Шервуд та өз біліктілігін байқата бастағандай. Эмануэль Адебайорды алаңға негізгі құрамға шығарып, футболшының қайта «жұлдызын» жаққандай. Кезінде «Арсеналда» айтулы голдарымен көзге түскен шабуылшы кеше дубль жасады.

Бұл турда «Ливерпуль» жүрісінен жаңылды. Мерсисайдтық клуб өз алаңында «Астон Вилладан» жеңіліп тұрып, тең нәтижеге ғана қол жеткізе алды.

Ал бұл турдың басты кездесуі «Стэмфорд Бриджде» өтті. Жергілікті Жозе Моуринью баптайтын «ақсүйектер» «қызыл сойқандарды» 3:1 есебімен жеңді. 2012/2013 жылғы маусымдағы премьер-лига чемпиондары қауқар таныта алмады деп айтуға болмайды. «Манчестер Юнайтед» доп ұстауда алаң иелеріне үстемдік жасағанымен, бұл кездесуде Самуэль Это’О-ның бағы жанды десек болады. «Челси» сапына ауысып келгелі бері жарқын кездесулерінің бірін өткізді. Ойындағы лондондық команданың 3 добы да осы камерундық футболшының еншісіне жазылды. Манчестерлік команда сапынан Хавьер Эрнандес қана жауап қатты. Кездесуде «Челси» шабуылшысы Фернандо Торрес жарақат алды. Ал ойында жүйкесі сыр берген Неманья Видич алаңнан қуылды.

Турнир кестесі

			Командалар	О	Ж	Т	Ж	Голдар	+ -	Ұпай
1.			Арсенал	22	16	3	3	43:19	+24	51
2.			Манчестер Сити	22	16	2	4	63:25	+38	50
3.			Челси	22	15	4	3	43:20	+23	49
4.			Ливерпуль	22	13	4	5	53:28	+25	43
5.			Тоттенхэм	22	13	4	5	29:26	+3	43
6.			Эвертон	21	11	8	2	34:19	+15	41
7.			Манчестер Юн	22	11	4	7	36:27	+9	37
8.			Ньюкасл	22	11	3	8	32:28	+4	36
9.			Саутгемптон	22	8	7	7	29:25	+4	31
10.			Астон Вилла	22	6	6	10	22:29	-7	24
11.			Халл Сити	22	6	5	11	22:28	-6	23
12.			Норвич Сити	22	6	5	11	18:35	-17	23
13.			Сток Сити	22	5	7	10	22:36	-14	22
14.			Вест Бромвич	21	4	9	8	23:28	-5	21
15.			Суонси Сити	22	5	6	11	27:33	-6	21
16.			Кристал Пэлас	22	6	2	14	14:31	-17	20
17.			Фулхэм	22	6	1	15	22:48	-26	19
18.			Вест Хэм	22	4	6	12	22:33	-11	18
19.			Сандерленд	22	4	6	12	21:36	-15	18
20.			Кардифф	22	4	6	12	17:38	-21	18

Италия. «А» сериясы

Бұл маусымда Италия біріншілігін туриндік команда өзі иеленетінін осы турда тағы бір дәлелдей түсті. Өз алаңында «Сампдорияны» 4:2 есебімен ұтқан ұжым, осымен қатарынан 12-ші жеңісіне қол жеткізді. Бұл рекорд та. Ал осындай рекордқа біріншілік басында ұмтылған римдік «Рома» өз алаңында «Ливорноны» қиналмай жеңді. Енді екі команда арасын 8 ұпай бөліп тұр.

Осы маусымда чемпиондыққа басты фаворит саналған неапольдық «Наполи» бұл турда тең нәтиже көрсетті. Сырт алаңда «Болоньямен» 2:2 есебімен тең тарқасты. Ал «Дженоа» өз алаңында «Интерді» бір доп айырмасымен жеңіп кетті.

Жақында тұңғиыққа батқан «Миланды» құтқаруға Кларенс Зеедорф  келген еді. Кеше алғашқы кездесуін бапкер жеңіспен бастады. Өз алаңында «Веронамен» ойнаған ұжым Марио Балотеллидің пенальтиден соққан голының арқасында жеңіске жетті.

Бұл турдың ең қызықты кездесуі Удине қаласында өтті. Жергілікті «Удинезе» өз алаңында «Лационы» қабылдап, 10 футболшы ойнаған қонақтардан жеңілді. Антонио ди Натале есеп ашып, алға шығарғанымен қонақтар өз мінезін көрсете білді. Тіпті екінші тайм басында бір футболшысы кем болған римдік команданың жеңісті суырып алып кетуіне шамалары жетті.

Турнир кестесі

			Командалар	О	Ж	Т	Ж	Голдар	+ -	Ұпай
1.			Ювентус	20	18	1	1	50:14	+36	55
2.			Рома	20	14	5	1	42:10	+32	47
3.			Наполи	20	13	4	3	43:22	+21	43
4.			Фиорентина	20	12	4	4	37:20	+17	40
5.			Интер	20	8	8	4	38:24	+14	32
6.			Верона	20	10	2	8	34:31	+3	32
7.			Торино	20	7	8	5	33:27	+6	29
8.			Парма	20	7	8	5	31:27	+4	29
9.			Лацио	20	7	6	7	26:28	-2	27
10.			Дженоа	20	7	5	8	20:24	-4	26
11.			Милан	20	6	7	7	32:30	+2	25
12.			Аталанта	20	7	3	10	21:29	-8	24
13.			Сампдория	20	5	6	9	24:31	-7	21
14.			Кальяри	20	4	9	7	19:29	-10	21
15.			Удинезе	20	6	2	12	20:31	-11	20
16.			Кьево	20	4	5	11	15:26	-11	17
17.			Болонья	20	3	8	9	19:35	-16	17
18.			Сассуоло	20	4	5	11	21:43	-22	17
19.			Ливорно	20	3	4	13	16:36	-20	13
20.			Катания	20	3	4	13	13:37	-24	13

Франция. Лига 1

Француз біріншілігінің 21-ші турында фавориттер жолынан жаңыла қойған жоқ. «ПСЖ» өз алаңында «Нантты» 5:0 есебімен жеңсе, «Монако» қонақта «Тулузадан» екі доп айырмасымен басым түсті. Қазіргі таңда екі клуб арасын 5 ұпай бөліп тұр. Сонымен қатар «Лион» мен «Монпелье» де үш ұпайды қоржындарына салды.

Бұл турдың басты кездесуі саналған «Сент-Этьен» мен «Лилль» арасындағы тартыста алаң иелері басым түсті. Олар өткен турда да жеңіліс тапқан лилльдік ұжымның қақпасына жауапсыз екі допты тоғытты.

Турнир кестесі

			Командалар	О	Ж	Т	Ж	Голдар	+ -	Ұпай
1.			ПСЖ	21	15	5	1	51:14	+37	50
2.			Монако	21	13	6	2	34:14	+20	45
3.			Лилль	21	12	4	5	23:12	+11	40
4.			Сент-Этьен	21	11	4	6	30:20	+10	37
5.			Марсель	20	9	5	6	29:21	+8	32
6.			Нант	21	10	2	9	24:22	+2	32
7.			Реймс	21	8	8	5	25:24	+1	32
8.			Лион	21	8	7	6	32:27	+5	31
9.			Бордо	21	8	7	6	27:23	+4	31
10.			Лорьян	21	9	3	9	28:27	+1	30
11.			Тулуза	21	7	7	7	21:26	-5	28
12.			Бастия	21	7	6	8	24:29	-5	27
13.			Ницца	21	8	3	10	20:25	-5	27
14.			Генгам	21	6	7	8	19:21	-2	25
15.			Ренн	21	5	8	8	22:24	-2	23
16.			Монпелье	21	3	12	6	21:25	-4	21
17.			Эвиан	21	5	6	10	20:34	-14	21
18.			Валансьен	20	4	5	11	20:30	-10	17
19.			Сошо	21	2	5	14	15:43	-28	11
20.			Аяччо	21	1	6	14	14:38	-24	9

Испания. Ла-Лига

Испания Ла-Лигасы қызып келеді. Нағыз алпауыт ұжымдар әзірдің өзінде иық тірестіріп тұр. Алайда бұл турда көш басындағы каталондық «Барселона» мен мадридтік «Атлетиконың» жолы бола қойды деп айта алмаймыз. Есесіне «корольдік клуб» қарсыластарына жетуге бір табан ғана қалды.

Карло Анчелотти командасы сырт алаңда «Бетисті» 5:0 есебімен ойсырата жеңді. Осылайша 50 ұпай жинап, үштікті қорытындылап тұр. Көшбасшы арасын бір ғана ұпай бөлуде.

Неймардың жарақат алуы каталондық команданың ойын жүйесіне әсер етпей қоймады емес. Кеше сырт алаңда «Левантемен» кездескен Херардо Мартино командасы 1:1 есебімен тең түсіп қалды. Екі гол да бұрыштамадан асырылып, баспен соғылды.

Мадридтік «Атлетико» да өз алаңында «Севильяны» жеңе алмады. Жеңгенде турнир көшін бастауға зор мүмкіндігі болған. Енді Диего Симеоне командасы келесі турда «Райо Вальеканомен» кездеседі.

Турнир кестесі

			Командалар	О	Ж	Т	Ж	Голдар	+ -	Ұпай
1.			Барселона	20	16	3	1	54:13	+41	51
2.			Атлетико М	20	16	3	1	48:12	+36	51
3.			Реал	20	16	2	2	58:21	+37	50
4.			Вильярреал	20	11	4	5	39:21	+18	37
5.			Атлетик Б	19	11	3	5	32:24	+8	36
6.			Реал Сосьедад	20	9	6	5	38:30	+8	33
7.			Севилья	20	8	7	5	37:31	+6	31
8.			Эспаньол	20	7	4	9	23:25	-2	25
9.			Валенсия	20	7	3	10	26:31	-5	24
10.			Гранада	20	7	3	10	19:25	-6	24
11.			Леванте	20	6	6	8	19:28	-9	24
12.			Хетафе	20	7	3	10	22:33	-11	24
13.			Осасуна	20	6	4	10	17:29	-12	22
14.			Малага	20	5	6	9	19:24	-5	21
15.			Эльче	20	5	6	9	19:28	-9	21
16.			Сельта	20	5	4	11	23:32	-9	19
17.			Альмерия	20	5	4	11	21:40	-19	19
18.			Вальядолид	19	3	7	9	21:33	-12	16
19.			Райо Вальекано	20	5	1	14	19:47	-28	16
20.			Бетис	20	2	5	13	16:43	-27	11

Автор: Өмірбек Сансызбай

Сурет: jevons.ru, vk.com; settips.com