Премьер-лига. Кім чемпион болады?

Премьер-лига. Кім чемпион болады?

Футболдан ХХІІ ел премьер-лигасының екінші айналымы басталар күн де алыс емес. Осыған орай төменгі алтылықта қалған командалардың бас бапкерлерінің чемпиондық атаққа лайықты деп атаған командалары мен болжамдарын ұсынамыз.

Ел премьер-лигасының алғашқы айналымынан кейін "Ақтөбе" көш басында, олардан 6 ұпай аз жинаған "Астана" екінші орын, елордалық ұжымнан кейін "Шахтер", "Ертіс", "Қайрат" және "Ордабасы" командалары алғашқы алтылықты қорытындылаған болатын. Сонымен алғашқы алтылық ішінен кім ел чемпионы болуы мүмкін? Vesti.kz сайты ұсынған төменгі алтылықтағы футбол клубтарының бас бапкерлерінің жауабын тыңдап көрейік.

Миодраг Радулович, "Атырау" командасының бас бапкері:

- Менің ойымша, елордалық "Астана" командасы чемпион болады. Екінші орынды "Ақтөбе", үшінші жүлделі орын "Шахтер" немесе "Ертіс" еншісіне тиеді.

Тимур Оразов, "Тобыл" командасының бас бапкері:

- Меніңше Йоан Андоне шәкірттерінің "Ақтөбеден" гөрі чемпион атануға мүмкіндігі мол секілді. Екінші орын - "Ақтөбе", үшінші орынды - "Шахтер" алады деп ойлаймын.


Владимир Фомичев, "Восток" командасының бас бапкері:

- Чемпион "Ақтөбе" командасы, екінші орын - "Астана", үшінші орынды - "Шахтер" алады деп ойлаймын. Премьер-лигада батысқазақстандық ұжым фаворит болып саналады. Команданың құрамы мен біркелкі ойын өрнегін көрсетуі алтын алқаға жетелері сөзсіз.


Омар Тетрадзе, "Жетісу" командасының бас бапкері:

- Алғашқы айналымда "Ақтөбе" қарсыластарынан 6 ұпайға ұзап шықты. Алайда бірнеше жеңіліс команданы тығырыққа тіреуі ғажап емес. Көбіне "Астананың" чемпиондыққа қол жеткізуге мүмкіндігі мол секілді. Өйткені Йоан Андоне шәкірттері Еурокубок жолындағы жарысын аяқтап қойды. Ал "Ақтөбе" мен "Шахтерға" екі жақты тартыс жүргізу оңай емесі анық. Меніңше, екінші орын - "Ақтөбе", үшінші орынға - "Шахтер" мен "Қайрат" командалары таласады деп ойлаймын.


Любомир Петрович, "Ақжайық" командасының бас бапкері:

 - Алтын жүлде - "Ақтөбеге", күміс жүлде - "Астанаға", қолаға - "Қайрат" пен "Ертіс" таласады деп ойлаймын. Ал Кубокты қарағандылық "Шахтер" иеленеді.

Естеріңізге сала кететін болсақ, ел премьер-лигасының екінші айналымының ойындары 17 тамыз күні "Астана" - "Шахтер", "Ордабасы" - "Ақтөбе" кездесулерімен бастау алады. 18 тамызда "Қайрат" - "Ертіс", "Тобыл" - "Жетысу", "Атырау" - "Ақжайық", "Восток" - "Тараз" кездесулері өтеді.

Дайындаған: Өмірбек Сансызбай

Сурет: sports.kz

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Google гаджеттерін қоқыс қалдықтарынан жасайды
Google гаджеттерін қоқыс қалдықтарынан жасайды
Қазақстанда қотырды жазатын дәрі сынақтан өтіп жатыр
Қазақстанда қотырды жазатын дәрі сынақтан өтіп жатыр
Джетлаг деген не және оны қалай еңсеруге болады?
Джетлаг деген не және оны қалай еңсеруге болады?
Жүрекке пайдалы азық-түліктер
Жүрекке пайдалы азық-түліктер
Қазақстанның екі табиғи қорығы ЮНЕСКО-ның биосфералық резерваты тізіміне енеді
Қазақстанның екі табиғи қорығы ЮНЕСКО-ның биосфералық резерваты тізіміне енеді
Елде жалдамалы жұмысшылар құқығын қорғайтын заң мақұлданды
Елде жалдамалы жұмысшылар құқығын қорғайтын заң мақұлданды