Испания құрамасы әлем чемпионаты алдында бас бапкерсіз қалды

Испания құрамасы әлем чемпионаты алдында бас бапкерсіз қалды

Испания футбол федерациясы әлем чемпионаты басталар алдында құраманың бас бапкері Хуан Лопетегиді қызметінен босатты. Бұл туралы Краснодарда өткен баспасөз мәслихаты кезінде Луис Рубиалес хабарлады.

Испания футбол федерациясының президенті бас жаттықтырушының қызметінен кеткенін хабарлап, алдағы жұмысына сәттілік тіледі.

- Бізге бас жаттықтырушының қызметінен бас тартуға тура келді. Оның алдағы жұмысына сәттілік пен табыс тілейміз, - деді Луис Рубиалес.

Федерация жаттықтырушыны әлем чемпионаты аяқталғанша қызметінде алып қалуға тырысқанмен, команда капитаны Серхио Рамос бастаған бірнеше ойыншылар кетуін талап еткен.

Хуан Лопетеги күні кеше ғана Мадридтің "Реал" клубын жаттықтыратыны белгілі болған еді. Үш маусымға келісімшартқа қол қойған-ды. Жаттықтырушының бұл шешімі Испания футбол федерациясы басшыларының ашуын тудырған. Ол Испания құрамасымен де келісімшартын ұзартқанына 3 апта ғана уақыт болған еді.

Испания құрамасы "В" тобында Марокко, Португалия және Иран құрамаларымен кездеседі. Екі күннен кейін команданы Португалиямен өтетін алғашқы ойын күтіп тұр. Оған дейін жаңа жаттықтырушы тағайындалса керек.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

“Абай жолы” эпопеясының видеосаммариі жарық көрді
“Абай жолы” эпопеясының видеосаммариі жарық көрді
Абай шығармашылығын зерттеушілер
Абай шығармашылығын зерттеушілер
i-balaqai: Қазақстандағы балалардың қауіпсіздігі туралы
i-balaqai: Қазақстандағы балалардың қауіпсіздігі туралы
"Абай – рухани реформатор" атты президент мақаласындағы 5 маңызды ой
"Абай – рухани реформатор" атты президент мақаласындағы 5 маңызды ой
Абай айтқан "бес дұшпаннан" толық арылған жоқпыз – Тоқаев
Абай айтқан "бес дұшпаннан" толық арылған жоқпыз – Тоқаев
Конор МакГрегор сүйіктісіне үйлену туралы ұсыныс жасады
Конор МакГрегор сүйіктісіне үйлену туралы ұсыныс жасады