Нью-Делидегі әлем чемпионаты: бүгін үш боксшымыз рингке шығады
Нью-Делиде бокстан әйелдер арасында өтіп жатқан әлем чемпионатында бүгін әлем чемпионатының жүлдегерлері Алуа Балқыбекова, Жайна Шекербекова және Рябец алғашқы кездесулерін өткізеді, - деп хабарлайды Massaget.kz тілшісі.
48 келіге дейінгі салмақ дәрежесінде 1/16 финалда Алуа Балқыбекова сингапур боксшысы Кей Ван Чи Ваймен, Жайна Шекербекова (54 келі) Е Чжи Иммен (Оңтүстік Корея), ал Надежда Рябец осы елдің тағы бір өкілі Сен Суджинмен (66 келі) жұдырықтасады.
Олар рингке Астана уақыты бойынша 14:30-да басталатын күндізгі сессияда бірінші, сегізінші және оныншы болып рингке шығады. Тікелей эфирді Qazsport телеарнасынан көруге болады.
Қазақстан құрамасының 2023 жылғы әлем чемпионатына қатысатын боксшы қыздарымыздың тізімі: Алуа Балқыбекова (48 келі), Назым Қызайбай (50 келі), Жазира Орақбаева (52 келі), Жайна Шекербекова (54 келі), Карина Ибрагимова (57 келі), Римма Волосенко (60 келі), Аида Әбікеева (63 келі), Надежда Рябец (66 келі), Мадина Нұршаева (70 келі), Валентина Халзова (75 келі), Фариза Шөлтай (81 келі), Ләззат Күңгейбаева (+81 келі).
Спорт эмоцияларының бас демеушісі 1XBET компаниясы "Чемпионға арналған пәтер" тамаша акциясын жариялайды. 1XBET компаниясымен бірге чемпион бол да, Алматының орталығындағы жап-жаңа пәтердің кілтін ал!
