Қазақ қызы әлем чемпионатындағы бірінші жекпе-жегінде қарсыласын нокаутпен жеңді
Үндістан елінің астанасы Нью-Делиде бокстан әйелдер арасындағы әлем чемпионаты басталды. Алғаш болып шаршы алаңға шыққан отандасымыз Жазира Орақбаева қарсыласын нокаутпен жеңді.
52 килоға дейінгі салмақта Жазира тайвандық боксшы қыз Чань-Ча Суньмен жұдырықтасты. Екінші раундта қарсыласын екі рет нокдаунға түсірді. Ал үшінші раундта қарсыласын тағы бір рет есеңгіретті. Осыдан кейін төреші жекпе-жекті тоқтатып, отандасымыз техникалық нокаутпен жеңіске жетті.
Айта кетейік, әйелдер арасындағы әлем чемпионатына 12 боксшы қызымыз аттанды. Жарыс 26 наурызға дейін жалғасады.
Спорт эмоцияларының бас демеушісі 1XBET компаниясы "Чемпионға арналған пәтер" тамаша акциясын жариялайды. 1XBET компаниясымен бірге чемпион бол да, Алматының орталығындағы жап-жаңа пәтердің кілтін ал!
О. Сансызбай