"Реал" ПСЖ-ға Мбаппенің трансфері үшін 160 миллион еуро ұсынды

"Реал" ПСЖ-ға Мбаппенің трансфері үшін 160 миллион еуро ұсынды

Мадридтік "Реал" француз клубы "Пари Сен-Жерменге" футболшы Килиан Мбаппенің трансфері үшін 160 миллион еуро ұсынған. Бұл туралы журналист Фабрицио Романо өзінің Twitter парақшасында мәлімдеген.

Дереккөздің хабарлауынша, мадридтік клуб келісімді дереу аяқтауға ниетті, бірақ ПСЖ басшылығы әлі келіскен жоқ және ойыншының өзімен келіссөз жүргізуге рұқсат бермеді.

Бұған дейін Мбаппе ПСЖ-ның қазіргі келісімшартты ұзарту туралы үш ұсынысын қабылдамаған болатын.

Мбаппе 2017 жылы "Монакодан"  ПСЖ -ға келді және содан бері париждіктер сапында 174 ойын өткізіп, 133 гол мен 63 нәтижелі пас берді.