"Астана Опера" театрының әлемдік премьерасын онлайн түрде көре аласыздар

Ертең, яғни 1 қазан күні театрдың камералы залының ашылуына орай ұйымдастырылатын "Барокко данышпаны" гала-концерті жұртшылыққа Tengrinews.kz/tv арқылы онлайн түрде көрсетіледі. Бұл туралы Massaget.kz-ке театрдың баспасөз қызметі хабарлады. 

Трансляция бағдарламасы төмендегідей:

1 қазан, сағат 19-00-де халықаралық музыка күніне орай "Астана Опера" театры камера залының салтанатты ашылу рәсімі өтеді. Шараның басты қонағы – Дариға Назарбаева болатынын айтып өткен болатынбыз. Ол пианист Тимур Орманшеевтің сүйемелдеуімен өнер көрсетеді.

Барокко музыка дәуірінің туындылары шырқалатын кеште Георг Фридрих Гендель, Иоганн Себастьян Бах, Антонио Вивальдидің әуендері көрермендердің құлақ құрышын қандырмақ. 

21 қазан, сағат 19-00-де Д.Вердидің «Attila» операсының премьерасы болады. Музыкалық басқарушы әрі дирижер – Валерий Гергиев (Мариинск театры, Санкт-Петербург). Қоюшы – Pier Luigi Pizzi (Teatro dell’Opera di Roma, Италия), басты партия орындаушылары – Елдар Әбдіразақов, Анна Маркарова (Мариинск театр, Санкт-Петербург).

22 қазан, сағат 19-00-де классикалық музыка жұлдыздарының қатысуымен гала-концерт өтеді. Концертте Денис Мацуев, Светлана Захарова, Елдар Әбдіразақов, Анна Маркарова, Сергей Крылов, Ольга Перетятько, Майра Керей, Медет Чотабаев, Альфия Кәрімова, Абзал Мұхитдинов, Лучано Ганчи, Клаудио Сгуро т.б. өнер иелері өз өнерлерін паш етеді.

24 қазан, сағат 19-00-де "Астана Опера" театры жұлдыздарының қатысуымен гала-концерт ұйымдастырылады.

Қазанда қалың қауымға ауқымды сый дайындап отырған "Астана Опера" театрына асығыңыз! 

Дайындаған: Мейіргүл Оңғарова

Сурет: "Астана Опера" театрының баспасөз қызметі

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Жылқы жүрісінің түрлері
Жылқы жүрісінің түрлері
Пәтер сатып аларда ескеретін жайттар
Пәтер сатып аларда ескеретін жайттар
Алматыда журналистер аллеясы ашылды
Алматыда журналистер аллеясы ашылды
Әмиянға салуға болмайтын 7 зат
Әмиянға салуға болмайтын 7 зат
9 айда 5 миллионға жуық профилактикалық тексеру жүргізілді – ӘМСҚ
9 айда 5 миллионға жуық профилактикалық тексеру жүргізілді – ӘМСҚ
UFC 254: Жеңіске жеткен Хабиб спорттағы мансабын аяқтады
UFC 254: Жеңіске жеткен Хабиб спорттағы мансабын аяқтады