Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Мәдениет / Музыка / Бүгін – екінші Әміре туған күн!

Бүгін – екінші Әміре туған күн!

Бүгін – екінші Әміре туған күн!

Бүгін – өзінің тамылжыған даусымен миллиондаған жұртшылықтың таңданысын тудырып, қазақтың атын айдай әлемге паш еткен талантты әнші, отандасымыз Димаш Құдайбергеннің туған күні.

Қытайдағы кіл мықтылардың басын қосқан "I am singer" жобасы басталысымен-ақ ол мамандар назарына ілікті. Алғашқы сайыс күні Даниель Балавуанның "SOS d'un terrien en detresse" әнін өте жоғары деңгейде орындап, көрермендер көзайымына айналды. Тіпті, жоба мамандары "Тәңір өзі назарына алған жас әнші" деп жоғары баға берді. Міне, сол күннен бастап Димаштың бағы жанды.

Оның осы күнге дейін жеткен жетістіктері жетерлік. Оның бәрін тізіп айтуға болады. Алайда, біз оны құп көрмедік. Бұл туралы айтылып та, жазылып та жүргенін көзіқарақты оқырмандар мен өнерсүйер тыңдармандар жақсы біледі деген ойдамыз. Осы ретте оқырмандарға әншінің 23 жасына орай ең қызықты 23 дерек ұсынамыз. Ендеше, қазақтың атын бүкіл әлемге паш еткен талантты ұл жайлы біз біле бермейтін ең қызықты деректерді оқи отырыңыздар.

1. Димаштың PR менеджері әрі жақын досы – Алпамыс Шаримов.

2. Димаштың кіндік әкесі – Ұлықпан Жолдасов, ал кіндік анасы – Айған Жолдасова.

3. Димаш атасы мен әжесінің қолында өскендіктен оларды "мама-папа" деп атайды.

4. Оның азан шақырып қойылған есімі – Дінмұхаммед, ал Димаш деп қысқартып айтуды өзі сұраған.

5. Димаш-үйінің тұңғышы. Одан өзге Раушан және Әбілмансұр есімді қарындасы мен інісі бар.

6. Димаштың қытайша аты 迪玛希 (mandarin)/迪瑪希 (Hongkong). Ат қоюға таңдалған иероглифтер di 迪--жету (мақсатқа жету); ma 玛(асыл тас); xi希 - үміт, тілек, арман деген мағына береді.

7. Димаш  анасы 1 курс оқып жүрген, ал әкесі университеттегі оқуын жаңа бітіріп жатқан кезде дүниеге келген. 

8. Ол өте бауырмал әрі балажан жігіт.

9. Ең алғашқы бейнебаяны "Дайдидау" әніне түсірілген.

10.  Ол Қазақстанның 25 жылдығына орай елімізде 25 концерт ұйымдастырған. 

11. Димаш туралы тағы бір қызықты деректің бірі, оның шынтақ тұсында хал секілді жүрекке ұқсас белгі бар. 

12. Димаштың дауысы ең сирек кездесетін дауыстардың бірі, ең жоғарғы ноталарды алатын – контратенор.

13. Димаш "Americana" білім орталығында ағылшын тілін оқыған. Содан да болар, ағылшын тіліндегі әндерді еркін айтады.

14. Әнші бала кезінде өте қиялшыл болған. Өзге балалар мультфильм кейіпкерлерінің суреттерін, көліктерді салып жатса, ол микрофонды және өзінің сахнада тұрған суреттерін салған.

15. Димаш өте қарапайым. Өзін жұлдызбын деп санамайды, оның айтуынша жұлдыздар тек аспанда болады.

16. Оған нәзік, биязы, тәрбиелі һәм мінезі жақсы қыздар ұнайды және де ең басты қоятын талабы – ата-анасын сыйлау.

17. Димаш Құдайбергеннің "I am singer" ән байқауының бірінші кезеңінде киген сахналық киімі 158 890 юаньға (7,2 миллион теңге) сатылды.

18. Бұрынырақта Димаш әртүрлі шет елдердегі байқауларға қатысуға қатты асығып жүретін болған. Оған басты себеп – сабаққа бармау. Бүгінде ол арманы орындалды десе де болады. 

19. Димаш Ресейлік әнші Александр Панайотовтың әндерін ұнатады.

20. Димаштың фандомы – Dear, барлығын бірге қосқанда (көпше түрде) – Dears. Dear – ағылшын тілінен аударғанда "Құрметті" деген мағынаны білдіреді.

21. Димаш Play Station ойнағанды жақсы көреді.

22. Димаш үйдің тамағын жақсы көреді. Негізінен, ашқылтым тамақты, қуырманы, қызанақ, қияр, "морской" тамақты ұнатады.

23. Қытайдың weibo желісінде Димаш Құдайберген туралы 84 мың ақпарат жарияланып, оқылым саны  3 млрд 640 млн-ға жеткен. 

Айта кетелік, бүгін Бейжің қаласында тұңғыш ресми әлемдік фан-кездесу өтеді. Массагет порталы Димашты бүгінгі туған күнімен шын жүректен құттықтай отырып, деніне саулық, шығармашылығына толағай табыстар тілейді. 

2
Рейтинг: +1

Фото: vk.com
Қосылған күні: 24 мамыр 2017, 00:04

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.