Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Лайфстайл / Мәдениет / Музыка / Жанар Дұғалова: «Леонардо Ди Каприомен бірге фильмге түскім келеді»

Жанар Дұғалова: «Леонардо Ди Каприомен бірге фильмге түскім келеді»

Жанар Дұғалова: «Леонардо Ди Каприомен бірге фильмге түскім келеді»

Жанар Дұғалова – қазақ эстрадасындағы танымал, көпшіліктің көзайымына айналып үлгерген әнші. Оның өзіндік табиғатын бағалайтын тыңдармандары да бар. Назарларыңызға әншімен болған сұхбатты ұсынамыз.  

- Жанар, сәлеметсізбе, әңгімені дәл қазір айналысып жүрген жобаларыңыздан бастасақ. Қазір қандай жобалардың басы-қасында жүрсіз?

- Дәл қазір жаңа бейнебаянымның шығуына дайындалып жатырмын. Киноға түсуге бір-екі жерге шақырды. Сол ұсыныстарды ойланып жүрмін.

- Ал бейнебаяныңызды қай әнге түсіріп жатырсыз?

- «Айта берсін» атты әніме.

- Былтыр «Turkvizyon-2014» байқауында жеңімпаз атандыңыз. Бұл жеңісіңіз шығармашылық өміріңізге қалай әсер етті?

- Өмірім түбегейлі өзгерді деп айта алмаймын. Бірақ танымалдылығым артып, ұсыныстар көбейді.

- Баян Есентаеваның продюсерлік орталығында жұмыс істемейтініңізді білеміз. Дәл қазір продюсеріңіз бар ма?

- Ол кісімен әлі де алда талай жұмыс жасаймын. Композитор ретінде «Шайн продакшн» жобаларына ән жазуым мүмкін. Және өзге ұсыныстар түсіп, шақырып жатса, қуана-қуана барамын. Дәл қазір продюсерім жоқ, барлығымен өзім айналысып жүрмін.

- Шетелде танымалдылығыңызды арттырғыңыз келе ме?

- Әрине, шетелде танылғым келеді. Бұл өзімнің атымды шығарсам деген ой емес, мен қазағымның атын шығарғым келеді.

- Жеке өміріңізде өзгеріс бар ма?

- Әзірге маңызды өзгеріс жоқ.

- Жеке бизнеспен айналысу ойыңызда бар ма?

- Әрине, жеке бизнесімді ашқым келеді. Өкінішке орай, дәл қазір ондай мүмкіндігім жоқ.

- Талай жарысқа қатысып, жеңімпаз атанып, шыңдалып үлгердіңіз. Бойға жиғаныңызды өзгеге үйрететіндей дәрежеге жеткен сияқтысыз. Шәкірт тәрбиелеп жүрсіз бе?

- Болашақта шәкірт тәрбиелеуім мүмкін. Әзірге мен бұл дәрежеге жеттім деп айта алмаймын. Әлі уақыты келмеді, оның үстіне көп тәжірибе жинағым келеді.

- Өмірлік ұстанымыңыз қандай?

- Мүмкіндігінше ешкімнің ала жібін аттамай, абыройлы өмір сүргім келеді. Қолымнан келгенінше бәріне көмектесемін, келмесе, өзгеге жақсы өмір сүруге кедергі жасамаймын.

- Көкейіңізде жүрген алып арманыңыз бар ма?

- Иә, бар. Леонардо Ди Каприомен бірге бір фильмге түскім келеді.

- Жаңалықтарыңызбен бөліскеніңіз үшін көп рахмет! Алдағы уақытта шығармашылық табыстар тілейміз!

- Сізерге де рахмет! 

Дайындаған: Қарлыға Бүйенбай
Фото: bolashak.kz, kidsmusic.info
Қосылған күні: 23 қазан 2015, 11:54

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.