Тарантиноның жаңа фильміне қатысты қызықты деректер

Тарантиноның жаңа фильміне қатысты қызықты деректер

Қайталанбас қолтаңбасымен көпшілік көңілінен орын алған Квентин Тарантиноның биыл жарық көрген туындысын бүкіл әлем асыға күткені жасырын емес.

"Ерте, ерте, ертеде ... Голливудта" фильмінің АҚШ-тағы премьерасы 26 шілдеге жоспарланса, Қазақстан көрермені оны 8 тамыздан бастап тамашалай алады. Картина 70-ші жылдардағы Лос-Анджелестің өмір тынысын көрсетеді. Голливудқа арман жетегінде келген актерлер тағдырын "жырлайды".

Бүгін осы фильмнің түсіріліміне қатысты бірнеше қызықты дерекпен бөліскенді жөн көрдік.

– Бұл Леонардо Ди Каприоның соңғы 4 жылдағы алғашқы рөлі. Яғни, "Хью Гласс аңызы" (2015) үшін "Оскар" алғалы бері үлкен экранға шықпаған.

– Тарантино сценарийді 5 жыл жазғанын айтқан болатын.

– Фильмнің түсірілім алаңында Аль Пачино мен Леонардо Ди Каприо алғаш рет бірге жұмыс істеген. Екеуі де даңқты актер болса да, ешқашан бір картинаға түспеген екен.

– Фильмнің Канн кинофестиваліндегі премьерасында көрермен 7 минут үздіксіз қол соққан.

– Фильмге түскен Майя Хоук есімді жас актриса – Тарантиноның музасы болған Ума Турманның қызы. Турман оның 3 картинасына түскен, олар: "Криминалды оқиға" (1994), "Биллды өлтіру" (2003), Биллды өлтіру–2 (2004).

– Фильмге түскен актерлердің үшеуі – "Оскар"лауреаты (Аль Пачино, Брэд Питт пен Леонардо Ди Каприо), төртеуі – "Оскар" номинанты (Тим Рот, Марго Робби, Бренда Ваккаро мен Брюс Дерн).

– Квентин Тарантино мен Курт Рассел осымен үшінші рет бірге жұмыс істеп отыр. Осыған дейінгі екі фильм "Жансебіл" (2007) және "Жексұрын сегіздік" (2015) деп аталады.

– Леонардо Ди Каприо мен Марго Робби бұрын "Уолл-стрит бөрісі" (2013) фильміне бірге түскен.

– Ал Брэд Питт пен Аль Пачино осыған дейін "Оушеннің 13 досы" (2007) картинасында бірге ойнаған.


ОҚИ ОТЫРЫҢЫЗ

Соңғы жаңалықтар