АҚШ-та қазақ пен қырғыз фильм түсіруді бастады

АҚШ-та қазақ пен қырғыз фильм түсіруді бастады

Америка Құрама Штаттарының Лос-Анджелес қаласында қазақстандық және қырғызстандық киноөндірушілердің бірлесуімен жаңа кинофильмнің түсірілімі басталды. Бұл жөнінде Artparovoz.kz порталы хабарлады.  

Жаңа фильмнің сценарийі бойынша онда ұшқыш болғысы келетін жас баланың балаң арманы көрсетіледі.

Жас баланың армандарының орындалуына күтпеген жерден шыға келетін жағдайлар мен мақсатқа жету жолында кедергі келтіретін көптеген жағымсыз кейіпкерлер қарсы шығады.

Фильмді жас режисер Дәурен Қамшыбаев түсіруде. Режисердің сөзінше, оның фильмінің басты кейіпкері саналатын бала туындыда өз мақсатына жетіп, армандарын іске асыру үшін ол жолда кездескен қарсылықтармен де, қиындықтармен де күреседі.

«Фильмнің қаһарманы – ішкі тылсымы терең адам. Ол қарапайым отбасынан шыққан жиырма бес жастағы жігіт. Өзі де қарапайым. Болашақ ұшқыштың арманын орындау жолында оның сағын сындыратын көптеген қолайсыз жәйттер кезігеді. Бірақ ол мақсатына жету үшін күш жинайды. Жолда кезіккен барлық қорқыныш мен күдікті ол өз күшіне сену арқылы жеңіп шығады", - дейді Қамшыбаев. 

Картинаның түсірілімі Лос-Анджелес, Санта-Моника қалаларында және Лагуна Бич жағалауында өтеді. 

Қазіргі таңда Голливуд актерлерімен келіссөздер жүргізілуде. Әзірге Дәулет Романұлының бір рөлге тағайындалып қойғандығы белгілі болып отыр. Оған Голливуд гүлзарларында сиқыршылық өнерімен күнін көретін кейіпкердің рөлі бұйырған. 

Фильмнің продюсері Нұрмат Сәкебаевтың ойынша, отандық киноөндіріске аз болса да батыстың ауасы жетіспейді.

Қазақ пен қырғыз бірлескен киноның әзірге нақты атауы белгілі емес. Оны «Алғаш рет ұшу» немесе «Жерден жоғары» деп атауы әбден мүмкін.

Дайындаған: Ақерке Әбілхан

Сурет: kino.kz

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

ER-BATYR жобасында Қуанышбек Есекеев киберспорт, ерлер достығы мен тәрбие туралы әңгімелейді
ER-BATYR жобасында Қуанышбек Есекеев киберспорт, ерлер достығы мен тәрбие туралы әңгімелейді
Даннинг-Крюгер эффекті дегеніміз не?
Даннинг-Крюгер эффекті дегеніміз не?
Сегіз ұлттың басын қосқан ұлттық оркестр
Сегіз ұлттың басын қосқан ұлттық оркестр
Үш қаламгердің киноға арқау бола алатын шығармалары
Үш қаламгердің киноға арқау бола алатын шығармалары
Ғалымдар адам естімейтін сигналды қабылдайтын құлақ құрылғысын жасап шығарды
Ғалымдар адам естімейтін сигналды қабылдайтын құлақ құрылғысын жасап шығарды
Қуыршақ театрында Шәмші Қалдаяқовқа арналған қойылым сахналанады
Қуыршақ театрында Шәмші Қалдаяқовқа арналған қойылым сахналанады