Олег Рой:

Олег Рой: "Сатқындықтан сақтанып, достасудан қорқамыз"

Олег Юрьевич Рой – орыс халқының қазіргі заман әдебиетінде есімі қалыптасып үлгерген атақты жазушысы, 1965 жылы өмірге келген. Бірнеше танымал кітаптың, анимациялық фильмдердің авторы.

► Өмірде сүйетін, сенетін, қамқор болатын адамың барда кез келген қиындықты жеңуге болады.

► Бұл өмірде ақылды әйелдерге қиын. Оларды жігіттер жақсы көрмейтіні үшін емес, өзіне лайық жігіт табуы қиын болғаны үшін. Жанындағы әйел өзінен ақылды болғанын көп еркек құптай бермейді.

► Есіңізде болсын: жасыңыз қаншаға келсе де сүюге, армандауға, бақытты болуға ең қолайлы сәт осы.

► Кітап сатып алуға жұмсайтын көп ақшам болса деймін.

► Үштік махаббат мәселесін шешудің бір ғана жолы тақ санды жұпқа өзгерту. Үшінші адамды аулақтай алмасаң, төртіншісін қосу керек.

► Белдемше киген еркек – қызтеке де емес, шотландиялық та емес, кәдімгі отбасының да, ақша табудың да жауапкершілігін өз мойнына артып алып, жұмысқа жегіліп жүрген әйел.

► Қалай қылсаң да, қанша тырыссаң да, әр ісіңнен бір мін тауып отыратын адам болады.

► Достасуға қорқамыз, себебі сатқындықтан сақтанғымыз келеді.

► Кей әйелге қарайсың да, қанша жасқа жеткенін болжай алмайсың. Сырт келбеті шамамен 25 жасқа жеткендей және мәңгілік жас боп қалатындай көрінеді.

► Қанша жерден көңіліміз көкке көтерілсе де, сезім аймағында айналып жүрсек те, бір күні жерге түсіп, кешкі ас әзірлеп, ыдыс жууға тура келеді.

► Балаларға арнап шығарма жазу – ең ұлы ғажайып.

► Көңіл сарайыңның терезесін айқара ашпаған абзал. Ашық алаңға тас атушылар көп болады.

► Басыңа шын қайғы түскенде бұрын трагедия деп санаған жағдайлар ұсақ-түйек екеніне көзің жетеді.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

"Үркерде" үздік шыққан 3 фотосурет тарихы
"Үркерде" үздік шыққан 3 фотосурет тарихы
Француздар нағыз Парижді танытатын фильмдерді атады
Француздар нағыз Парижді танытатын фильмдерді атады
ЮНЕСКО қорғауындағы әлемдік мәдени мұралар
ЮНЕСКО қорғауындағы әлемдік мәдени мұралар
Тіс неге сарғаяды?
Тіс неге сарғаяды?
Биологиялық белсенді қоспаның зияны мен пайдасы
Биологиялық белсенді қоспаның зияны мен пайдасы
Ұлттық және мемлекеттік жоғары оқу орындары сатылмайды
Ұлттық және мемлекеттік жоғары оқу орындары сатылмайды