Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Әдебиет / Тәмсіл / ХV ғасырда болған оқиға

ХV ғасырда болған оқиға

ХV ғасырда болған оқиға

Нюрнбергке таяу маңдағы шағын ауылда үлкен отбасы өмір сүріпті. Он сегіз жаннан тұрады екен, шаңырақта. Он сегіз жан! Осынша шиеттей бала-шағаны асырау үшін әке байғұс қара жұмысқа жегіліп, тәулігіне 18 сағат тер төккен дейді... 

Сол әкенің екі ұлы Нюрнберг Академиясында оқып, талантты шыңдау керек деп шешкен екен. Екеуі тиын тастап, кімнің жолы болады, сол оқуға барады.., ал, жеңілгені шахтада жұмыс істеп, оқу ақысын төлейді деп келіскен көрінеді... 

Кейін оқуды бітірген ұл өз еңбегін саудалап, шахтадағы бауырын оқуға түсіреді, оқу ақысын төлейді деп келіскен ғой... 

Альбрехт Дюрер бәстен ұтып, Альберт Дюрер шахтаға кеткен екен. Төрт жыл бойы Альберт қара жұмыстан тапқан ақшасын Академияда оқып жатқан бауырына жұмсап тұрыпты. Төрт жылда Альбрехт үздік шәкірт боп шыңдалып, оның суреттері, тіпті, академия профессорларының еңбектерінен асып түсіпті. Альбрехтің картиналары қымбат бағаланған көрінеді. 

Оқуын бітіргенде Альбрехт өзі салған суреттерді саудалап, қомақты қаржы жинап үлгереді. Ауылына келгенде, оның отбасы ерекше қуанып, үлкен етіп дастарқан жайып, ұлан-асыр той жасайды. Аста-төк отырыс қызған бір тұста Альбрехт көзесін қыса ұстап, орнынан көтеріледі. Ата-ана, аға-іні, қарындастарына ендігі жерде ауыр еңбекке жегілмей-ақ жақсы өмір сүруге мүмкіндігі жеткенін мәлімдей тұрып, сөз соңын бауырына арнайды. 

- Аса қымбатты Альберт бауырым! - дейді, ол, - Ендігі кезек сенікі! Сен енді Нюрнбергтегі Академияға түсіп, алаңсыз оқи аласың. Енді сенің де арманың орындалады. Сенің алаңсыз оқып, білім алуың үшін мен толық қамтамасыз ете аламын! 

Сонда Альберт орнынан тұрып, ебедейсіз қолдарымен жас жуған жүзін сүртіпті де.., "-Жоқ, бауырым. Менен енді суретші шықпайды. Шахтада жұмыс істеген 4 жылда менің бүкіл саусақтарым сынып, көптеген жарақат алдым. Оның үстіне, кейінгі кезде оң қолымның тамырына зақым келіп, жәй ғана қасықтың өзін әрең ұстаймын. Кешір, бауырым! Менен енді ешқашан да суретші шықпайды. Кешір, бауырым, мен үшін енді бәрі де кеш!" дейді... 

Бұл оқиғадан кейін де арада алты ғасырдай уақыт өтті. Бүгінде Дюрердің еңбектері әлем музейлерінің ең көрнекі жерлерінен орын тепкен. Оның ұлы туындылары әлі күнге қымбат бағаланады. 

...ағасының ауыр тағдыры мен орындалмаған арманы жанына батып, Альбрехт Дюрер күс басқан мыж-мыж қолдарды, өзінің бағын ашқан еңбеккер саусақтарды суретке салған көрінеді. Жәй ғана "Қолдар" деп атапты, картинасын. Алайда, ол суреттің тылсым рухы көрермендерді баурап, елдің бәрі бір ауыздан бұл суретті "Табынушының қолдары" деп атап кеткен деседі...

Аударған: Қанат Ескендір

0
Рейтинг: +0

Дайындаған: Айымгүл Оралқызы
Фото: artchive.ru
Қосылған күні: 17 тамыз, 17:54

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.