Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Әдебиет / Тәмсіл / Асқар Сүлейменовтің қанатты сөздері

Асқар Сүлейменовтің қанатты сөздері

Асқар Сүлейменовтің қанатты сөздері

Белгілі ақын-жазушы, әдебиет сыншысы, драматург Асқар Сүлейменовтің бүгін туған күні. Жазушының ел ішінде кең тарап, бүгінде қолданыста жүрген қанатты сөздерін назарларыңызға ұсынамыз.

Кем талант – кемтар талант.

От пен түтін, адам мен қылмыс – жатырлас.

Ай айнасын бұлт басса, жан айнасын мұң басқан.

Әр сөздің өз ұяты бар.

Жақсы кітап – ұлттың антологиясы.

Қаланың паспорты – такси мен базар.

Бала тапқандікі емес – бала қаққан мен баққандікі.

Пытыра қазақ: шүрегей атады, өзбек – жалғыз оқ: бұлан атады.

Ұл өсіріп, қыз асырап отырмыз.

Өтірікті кешіруге болады – тек ақтауға емес.

Дін құрыса – тіл сақтайды, тіл құрыса – үн сақтайды, бәрі құрыса – діл сақтайды (иаһуди-еврейлер, мысалы).

Таранбаған әйелде – бір мекиеннің, таранған әйелде – екі мекиеннің миы бар.

Экономикалық қауіпсіздіктің мәселесі, ең алдымен, - ұлттық қауіпсіздіктің мәселесі.

Келіншектің сұлу кезі – ұйқыдағы кезі. Айтып та болмас әлгінің, айтпай да болмас әлгінің тұсындағы кезі емес. Әсіресе сол кезі емес.

Қазақтың радиомаразмы: «махаббаттың сүйіспеншілігіне бөленіп...».

Неге Америкада жершілдік күшті? – Американың жершілдігі – ұлттың қынжығасында, бізде, асып кетсе – регионның.

Алға – ұмытар, берген – ұмытпайды. Қазақстанның психологиялық халі: аз да болға алғанын – ұмытпайды, мол болса да бергенін – ұмытады. Кең қолтықтың бір ірілігі.

Отау көтеріп оңаша тұрып алмай достастықтың құшағына қойып кету – саяси логика,а қиналып сыйысады.

Білмеген – мін емес, білместікке көнген – мін.

Түс – күндіз бұққан ойдың ойыны.

Қоғамның кеселінің бір емі – оған тіке қарау.

Мұқағали:

-Екеумізге жүз жүрмейді. Бізге 99 не 101 жүреді.

-Неге?

-Біліп тұрып сұрау – Қадырдың еншісі.

Кейбір адамдардың бағасын жауының санымен де өлшеуге болады.

Мәтіннің дәмін алудың төте жолы – талмай оқу.

Оқушыны қасқыр көрген тазыдай қалтырат.

Сөйлемдегі өмір мен сөйлемнің өмірі бірікпегесін – тірі тіркес тумайды. Өмірдің тамыр солқылы мен сөйлемнің тамыр солқылын лингвистикалық проза ғана қоса алады.

Қазақтай психофизикалық типтің азасын «Жігердей» кемерлейтін күй, «Қаракесектей» шыңғыртар ән жоқ.

Араға адам жүргенде: менімен тілдескісі келген – менімен өзі сөйлесуі керек.

Стилі жоқтың жазғанын оқу – арпа талқанды құрғақ асағандай. Стильсіз жазушы, стилін таба алмаған жазушы – іріге еліктеп көлеңке-калькаға барады да, сорпаның сорпасының сорпасы болады.

Кісілігін жоғалпаса – жауыңның қайсыбір иттігін кешіруге де болады.

Тағы да стиль туралы. Мемлекетке тақырыппен, концепциямен қарсы шығар мүмкіндік қалмағанда – көмекке стиль келеді... Жаңа форма, жаңа стилистика іздеу таза эстетиканың иіріміне сүңгу, рухани пластиканы меңгеру – бұлар өзі бағынбаудың энергиясы.

Қақсауық бар, ділмар бар, оттампаз бар, шешен бар: төртеуі – төрт жұрттан.

Библияның күй басы: алдымен туған сөз еді – сол сөз «құдай» болатын.

Шын режиссура – жүрек сияқты: соққаны білінбейді.

Айша Бибінің сағанасындағы жазуды аударса – «Сүмбіле». Су суыды. Өмір – сұмдық».

Ажал келмейді – ажалға барасың.

Өнердің өмірден айырмашылығы – өнер өмірден үйренбейді. Өнердің өз өткені, өз бүгіні, өз логикасы мен динамикасы бар.

Қанша сүмірейткенмен: ой ойнамай – сөйлем жоқ.

Ел дертті – зар шықпаа, тән дертті – зәр шықпаса.

Бабы мен бағы бұққан тұяқ та бір – ойға суарылмаған әуен мен әуез де бір: нені айту бір пара, қалай айту бір пара, кімге айту, қашан айту бір пара.

Байлық – барлық болғанда, өнер – мұрат. Байлықтан мұрат шықпаған. Ал, мұрат – тірлік.

Зады, адамның соры – өзін өзгемен өлшеуі.

Достық, ең алдымен – еркіндік.

Тірлік кешкен адамның сол тірліктен алып кетері  - жат тізені кеудесіне шығармау.

Сауалы бұйрық тектіге – солқылдақ жауап жүрмеген.

Сөз – құлын да, ой – жылқы.

Бұл ғаламда тұзақты да, тұсау-тұсамысты да туабітті танымасқа жаралған біреу бар: ол – адам.

Тәңірінің бір аты – шындық.

Адамның рухани ізденіс-сілкіністері үш-ақ сауалдың аясына сияды:

А) не біле аламын?

Б) не істеуім керек?

В) үміт артарым не?

Өлімге бере жаным бар – пендеге берер арым жоқ.

Кәміл болу қиын, бірақ ой қашады: халық екі ұғымның құлы – кеткен мен келердің.

Жүректің соғысы – физиология, ал жүректің не қуаныштан, не үрейден барып бас алатын лүпілі – эстетика, өнер, өмірге бергісіз қайран сөз.

0
Рейтинг: +0

Дайындаған: Нұржамал Үсенова
Қосылған күні: 29 желтоқсан 2018, 15:28

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.