Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Лайфстайл / Әдебиет / Көкжиек / Алматыда Мұрат Шаймаранның кеші өтті

Алматыда Мұрат Шаймаранның кеші өтті

Алматыда Мұрат Шаймаранның кеші өтті

Бүгін Алматыдағы Қазақстан Жазушылар одағында ақын, Ж. Нәжімеденов атындағы сыйлықтың иегері, Қазақстан Жазушылар Одағының мүшесі Мұрат Шаймаранның 50 жасқа толған мерейтойына орай "Талпынған шалғайға шайырдың жаны – құс" атты әдеби-сазды кеші өтті.

Бұл кеш бұрынғы кештерден өзгерек болып, Алтай мен Атыраудың арасындағы белгілі қалам ұстаған зиялы қауым өкілдерінің басын қосқан кеш болды. Олай дейтініміз Маңғыстаудан Светқали Нұржан,  Маңғолиядан Сұраған Рахметұлы, Семейден Тыныштықбек Әбдікәкімұлы, Өскеменнен Қалқаман Сарин арнайы келді.

Бұдан бөлек кешке  қазақтың белгілі ақын-жазушылары:  Қабдеш Жұмаділов, Жәркен Бөдеш, Есенғали Раушанов, Ақберен Елгезек т.б және жас ақындар, ақынның оқырмандары мен туған-туыстары қатысты. Кеш тізгінін ақын Бақыт Беделханұлы ұстады.

Кеш шымылдығын ашқан Есенғали Раушанов бұл той тек Мұрат Шаймаранның емес,поэзияның тойы екендігін, қазақтың тойы екендігін айтып мерейтой иесіне шапан жапты. 

Осыдан соң ҚазҰУдың филология факультетінің деканы Өмірхан Әбдиманұлы және журналистика факультетінің деканы Сағатбек Медеубекұлы сөз алды. 

Өмірхан Әбдиманұлы Мұрат Шаймаранды мерейтойымен құттықтай отыра: “Мұраттың өзі бір университет, айналасын үнемі жас таланттар қоршап жүреді. Сондай бір университеттің біздің университетте ұстаздық етуі біз үшін үлкен бақыт. Ақындығы туралы сыншылар айта жатар. Мен оның азаматтығын айтқым келеді. Бүгінгі мерейтойың құтты болсын”, - деді.

Ал журналистика факультетінің деканы Сағатбек Медеубекұлы алдымен Мұрат Шаймарандай ақынды өмірге әкелген ата-анасына рахмет айтты. 

“Мұратты біздің факультетте ақын ғана емес азамат ретінде де таниды. Мұратты ақын қылған қазақ елі Мұраттай ұлдарымен бақытты деп ойлаймын. Оның азаматтығын студенттер де жақсы біледі. Айналасынан жастар шүпірлеп кетпейді”, - деді.

Ер Жәнібек қорының басшысы Жеңіс Түркия мерейтой иесін құттықтап, Оспан батырдың портретін сыйлады.

Ал Мұрат Шаймаранға арнап өлеңін оқыған “Бақкелді – 2012” ЖШС-нің директоры, сазгер және дәрігер Толқын Аханұлы бүгінгі мерейтой иесіне темір тұлпар сыйлады.

Бүгінгі кеште Мұрат Шаймаранның “Жасыл түн” атты кітабының тұсауы кесілді. Кітаптың тұсауын кесу үшін сахнаға аға буын өкілдерінен – Қабдеш Жұмаділов, Жаркен Бөдешұлы және Тыныштықбек Әбдікәкімұлы, орта буыннан – Есенғали Раушанұлы, Светқали Нұржан және Сұраған Рахметұлы, кейінгі буын ақындарынан Ақберен Елгезек, Қалқаман Сарин және Қуаныш Дәлей шықты.

Алғаш боп сөз алған Қабдеш Жұмаділов Мұрат Шаймаранның бойына біткен ақындық алдымен туған жері – Майлы - Жайырдың топырағы мен қасиетті суынан екендігін атап өтті.

“Мұрат сирек жазады, бірақ жұмыр жазады. Қазақтың асыл сөзі дарыған. Емін-еркін, төгілтіп жазады. Мұндай қасиет Мұқағалиде бар еді. Шығар биігі әлі алда”, - деді.

Ал Тыныштықбек Әбдікәкімұлы бүгінгі залдың толып отырғандығына қуанышты екендігін жеткізді. 

“Қазақ ежелден ақын халық. Кейінгі жастар әдебиетке толқын-толқын болып келіп жатыр. Бұл мәңгілік ел болатындығымыздың белгісі. Некрасов айтты деген сөз бар: “Ақын болу міндет емес, азамат болу парызың” деген. Біз қазақ өзі өзге жұрттың сөзін қатты қадірлейтін халықпыз. Ол дұрыс емес. Менің ойымша: “Алдымен ақын болу керек. Мұрат бауырымның ақындығы жоғары болғандықтан да азаматтығы жоғары”, - деді. 

Светқали Нұржан: “Мен мына Мұрат деген жігітті өмірімде осымен екінші рет көріп тұрмын. Былтыр Астанадағы форумда 5 минуттай тілдестік. Бірақ інімді туғалы білетін сияқтымын. Бір кісілер айтып жатады “Қытайдан келген қазақтың екінің бірі ақын” деп ол заңдылық. Қазақтың таза рухы сақталған жер сондай болады. Абайдың айналасын қараңызшы бәрі де ақын ғой. Абай мен Шәкәрім шыңға шығып кеткесін басқалары көрінбей қалған. Сол қазақи қалыпты арғы беттен алып келген ақындарымыздың маңдай алдысы, айқасқасы осы Мұрат бауырымыз деп есептеймін. Той ұзағынан сүйіндірсін”, - деп мерейтой иесіне арналған өлеңін оқып берді.

Ал ақын Қалқаман Сарин Өскемен әкімі Жақсылық Омардың сәлемін жеткізді.

Тұсау кесерден соң Мұрат Шаймаранның өлеңінен тұратын композициялық қойылым қойылды. Өлеңді Т. Жүргенов атындағы ұлттық өнер академиясының актерлерінен бөлек, поэзияда жүрген Жақсылық Қазымұратұлы, Әріби Дауыл, Досхан Жылқыбай сынды жастар да оқыды. 

Кеш соңында сөз алған Мұрат Шаймаран бәріне алғыс айта отырып: “Көк тумызы желбірей берсін, қазақ өлеңі өлмесін. Ешқашан өлеңге кір қоспауға, дақ түсірмеуге ант етемін сіздердің алдарыңызда”, - деді.

0
Рейтинг: +2

Фото: massaget.kz
Қосылған күні: 29 қараша, 20:42

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.