Қадыр ақынның айтқандары

Қадыр ақынның айтқандары
Фото: buklya.com

Қазақтың классик ақыны Қадыр Мырза Әлидің әдебиетімізге сіңірген еңбегі ұшан-теңіз. Ол әдебиеттің қай саласына болса да, қалам тербеген. Тіпті өмірінің соңына дейін жазуды тоқтатпаған адам. Оның өлеңдері мен айтқан әңгімелері, дәйексөздері бүгінде көптеген жиын-тойларда, отырыстарда айтылады. Ақынның дәйексөздерінен үзінді оқи отырыңыздар.

***

Мықты болсаң, өзгенің жетістігін, өзіңнің кемістігіңді көре біл. 

***

Бүкіл дүниені сатып алуға дайын адам өзін сатып жіберуге де дайын. 

***

Қанша тапқаның емес, қанша тындырғаның байлық. 

***

Адамның шашқаны емес – тергені, алғаны емес – бергені қалады.

***

Сүйген екенсің таусылып сүй, екінші біреуге қарайтын хəлің болмасын!

***

Шындықты айтып сотталып, өтірік айтып сытылып кету мүмкіндігі де бар. 

***

Еркектер неге əйелін тастайды? Бір əйелге төзбеген ер көп əйелге төзе ме сонда?

***

Дүние – тұзды тамақ, жеген сайын шөлдейсің.

***

Бақыттың қонғанын емес, ұшып кеткенін қатты сезесің.

Ж. Жұмағұлов