Алматы қаласы әкімдігінің мәдениет басқармасы мен Қазақстан Жазушылар одағы «Jas qalam» атты балалар әдебиетінің үздік туындыларының республикалық конкурсын жариялайды!
Байқаудың мақсаты: 2022 жылды Қазақстан Республикасының Президенті Қасым-Жомарт Тоқаев «Балалар» жылы деп мәлімдегені баршаға белгілі. Бұл ретте қоғамда балалар шығармашылығына көңіл бөліну керектігі, аталған бағыттың елімізде кенже қалғаны туралы пікірлер баршылық. Аталмыш байқау балалар әдебиетіне қалам тербеуге мүдделі қаламгерлер қатарын көбейтуге, әрі бүгінгі әдебиетке балалар әдебиеті бағытындағы жаңа шығармалар легін қосу мақсатында ұйымдастырылып отыр.
Байқауға шығармалар төмендегі үш жанр бойынша қабылданады:
• Проза;
• Поэзия;
• Драматургия.
Жүлделер әр жанр бойынша:
І орын: 1 000 000 теңге
ІІ орын: 800 000 теңге
ІІІ орын: 500 000 теңге
Байқауға шығармалар 10 желтоқсанға дейін ғана қабылданады!
Шығармалардың рәсімделуіне қойылатын талаптар:
• Проза: 10 беттен кем емес, пішіні: 14,Times New Roman қарпімен, 1 интервал.
• Поэзия: 10 шумақтан кем емес, пішіні: 14,Times New Roman қарпімен, 1 интервал.
• Драматургия: 15 беттен кем емес, пішіні: 14,Times New Roman қарпімен, 1 интервал.
Бұрын жарияланған шығармалар қабылданбайды.
Қатысушыларға арналған талаптар:
- Байқауға қолынан жазу келетін, 18-35 жастағы ҚР аумағында тұратын кез келген қаламгер қатыса алады;
1. Байқауға компьютерде терілген шығармалар қабылданады. Шығармаларды қабылдау үшін әр қатысушы өзінің толық аты-жөні, өзі туралы толық мағлұмат (жасы, байланыс нөмірі, тұрғылықты мекенжайы, жұмыс немесе оқу орны, шығармашылық өмірбаяны) ұсынылған қатысушы парағын толтырып жіберуі тиіс. (Ережеге Қосымша №1 қатысушы парағы тіркелген).
2. Сапалы орындалған жұмыстар ғана қабылданады. (қолжазбалар байқауға жіберілмейді).
3. Келіп түскен шығармалар сараптама кезеңіне нөмірленіп ұсынылады. Яғни сарапшылар авторға емес, тек шығармаға баға береді.
Ескеретін жайт: Қатысушы парағы жоқ немесе толтырылмаған, шығармалары байқау талабына сәйкес келмейтін, бұрын жарияланған жұмыстар байқаудың сараптамалық кезеңіне жіберілмейді.
Қатысушы парағы толтырылған, «Балалар байқауына» деген тақырып қойылған өтінімдер baiqau2022@gmail.com электронды поштасында қабылданады.
Ұйымдастырушылардың байқауға келіп түскен шығармаларды автордың рұқсатынсыз, қаламақысыз балалар әдебиетін насихаттау мақсатында жариялауға және таратуға толық құқы бар.
Байқау туралы толық мәліметпен мына жерден таныса аласыз.