ҰБТ-ға бір күн қалғанда...

ҰБТ-ға бір күн қалғанда...

Оқу жылы аяқталып, Ұлттық бірыңғай тестілеу жақындай түсті. Ертеңнен бастап алғашқы леп білімдерін сынап көреді. Осындай маңызды сәтте артық ойға жол бермей, қобалжудың алдын алу үшін не істеу қажет?

Таңғы ас - қуат көзі

Мидың жақсы жұмыс істеуі үшін күш-қуат қажет. Ал бұл үшін тамақтану қажет. Зерттеулерге сәйкес, таңғы ас емтиханда жақсы нәтиже көрсетуге септігін тигізеді. Дегенмен таңғы асты да талғап жеген дұрыс. Таңертең аш қарынға көмірсуға қанық тағамдарды, атап айтқанда сұлы жармасының ботқасы мен тұтас дәнді нан жеген абзал.

Мақсатыңызды айқындап алыңыз

Алдыңызда не күтіп тұрғанын, өзіңізге не керегін анықтап алыңыз және соған қарай мақсат қойып, дайындалыңыз. Ұлттық бірыңғай тестілеуге өзіңізге қажет деген баллды аламын деген ниетпен кіріңіз. 

Жоспар құрыңыз

Жақсы құрылған жоспар уақытыңызды тиімді пайдаланудың, артық жұмысқа назар аудармаудың кепілі болады. Иә, бастапқыда жоспарды қалай құру керегін білмей, бас қатыруыңыз мүмкін. Дегенмен сәл уақытыңызды бөліп, нақты жоспарды құрып алыңыз. ҰБТ-ға кірместен бұрын алдымен қай пәнді шешетініңізді, сосын бланкке қандай ретпен жазатыңызды шешіп алыңыз. Жоспар бойынша істелген әрбір әрекет нәтижеге жетуге септігін тигізеді.

Тынығу қажет

Қалаған нәтижеңізге жету үшін әр пәнді бірнеше деңгейге бөліп тастаңыз. Әрбір деңгейді аяқтағаннан соң сәл демалыс алыңыз. Ойым бұзылып кетеді деп күмәнданбаңыз. Керісінше, деңгей қиындаған сайын миға көбірек тыным беру қажет. Осы арқылы жақсы көрсеткішке жете аласыз.

Ақылды болыңыз... Смартфоныңызды тығып қойыңыз

ҰБТ-ға не емтиханда шпаргалка мен смартфон қолдану дұрыс емес. Сіз ҰБТ кезінде қалай қиын болатынын не бақылаушының қатал болатынын алдын ала біле алмайсыз. Шпаргалкаға сеніп, оны қолдана алмай қалсаңыз, өкінетініңіз анық.

Ерте ұйықтаңыз

ҰБТ-ның алдында ертерек ұйықтауға тырысыңыз. Өйткені алдыңызда қиын күн күтіп тұр. Таңның атысымен жолға шығып, ҰБТ-ның алдында кезекте тұратын уақытыңызды ескеріңіз. Сізге көп күш-қуат жинау қажет. 

Артық ойға ерік бермеңіз

Емтиханның алдында бәріміз де қобалжимыз, уайымдаймыз. Бірақ өзіңізді қолыңызға ұстап, жаман ойға ерік бермеуге тырысыңыз. Тек жақсы нәрсе туралы ойланыңыз. 

Өзіңе сен...

Осы күнге дейін дайындығың, күн-түн демей тест жаттауды есіңе түсір және ертеңгі ҰБТ-да қалаған баллды алатыныңа сен! Дайындығыңа сен! Өзіңе сен!

Құрметті түлек, ҰБТ-да тек қана сәттілік тілейміз! 

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

"Манчестер Сити" "Реалдан" айласын асырды, Роналдудың дублі "Ювентусты" келесі кезеңге шығара алмады (видео)
"Манчестер Сити" "Реалдан" айласын асырды, Роналдудың дублі "Ювентусты" келесі кезеңге шығара алмады (видео)
Аммиак селитрасы тарихта бірнеше рет үлкен жарылысқа себеп болған
Аммиак селитрасы тарихта бірнеше рет үлкен жарылысқа себеп болған
Үй жануарларына зиян бөлме гүлдері
Үй жануарларына зиян бөлме гүлдері
Еуропа лигасы. Ширек финалға шыққан командалар анықталды
Еуропа лигасы. Ширек финалға шыққан командалар анықталды
Күннің ысуы адамзатқа қауіп төндіре ме?
Күннің ысуы адамзатқа қауіп төндіре ме?
Қазақстанда 10 тамыз - Абай күні демалыс па?
Қазақстанда 10 тамыз - Абай күні демалыс па?