Иерусалимде Рим заманынан қалған үш бөлме табылды

Иерусалимде Рим заманынан қалған үш бөлме табылды

Иерусалимдегі Ха-Котель ха-Мааравиден (көз жас  қабырғасы) ондаған метр жердегі қазба жұмыстары кезінде израиль археологтары Рим империясы заманынан қалған құпия үш бөлмені тапты. Олардың жасы шамамен – 1400 жыл.

"Біз мозаикалық еденнің астындағы жартасты қабатқа кездескеннен кейін одан ары адам іздері жоқ деп ойладық. Бірақ жартас астынан қашалып жасалған бөлмелерді таптық. Олар бір-бірімен баспалдақ арқылы байланысқан", - дейді Израильдің ежелгі дәуір қазба жұмыстарының жетекшілерінің бірі Барак Монникендам-Гивон.

Әзірге олардың нақты не үшін жасалғаны анықталған жоқ. Бөлмелер аркалармен, мүсіндермен, әшекейлермен безендірілген және май шамдарына арналған орындар бар. Археологтың айтуынша, бұлар діни қызметкерлерге арналған асханалар болуы мүмкін.

"Біз ас үй ыдыстары, май шамдары, бидай, арпа және зәйтүн майын сақтайтын ыдыстар таптық", - дейді археолог.

Осы қасиетті жерде табылған әр түрлі дәуірлердің материалдық нысандары ұсынылатын жерасты көрме кеңістігін құру мақсатында қазба жұмыстары жүргізіледі.

"Біз көз жасы қабырғасының астынан да ауқымды қазба жұмыстарын жүргіземіз. Біздің идея бойынша жер бетіндегі көз жасы қабырғасына мінәжат етуге адамдар келсе, оның астындағы жәдігерлерге туристер келеді", - деп түсіндірді Барак Монникендам-Гивон.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

"Жаным, айтсам сенбейсің!" фильміне киносыншылар көзқарасы
"Жаным, айтсам сенбейсің!" фильміне киносыншылар көзқарасы
Open Culture – 1500 пайдалы курс топтастырылған сайт
Open Culture – 1500 пайдалы курс топтастырылған сайт
Тарихтағы ең ірі галактикалар қақтығысы
Тарихтағы ең ірі галактикалар қақтығысы
Темекіні тастауға итермелейтін 12 дерек
Темекіні тастауға итермелейтін 12 дерек
Сіз туралы әтір сөйлесін
Сіз туралы әтір сөйлесін
НУ ғалымдары "ұйқы ауруына" шалдыққан Калачи ауылының құпиясын ашуға жақын
НУ ғалымдары "ұйқы ауруына" шалдыққан Калачи ауылының құпиясын ашуға жақын