Сарапшылар жалғыз саяхаттауды ұнататындар үшін 2022 жылғы үздік 10 қаланы атады. Бұл туралы uswitch жазды. Рейтингті түзу кезінде туристер назар аударатын бес негізгі көрсеткіш ескерілді.
Бағалау критерийлеріне: интернет жылдамдығы, іс-шаралар мен көрікті жерлер саны, қоғамдық көлік құны, тұру орындары және орташа температура енді.
Рим (Италия) секундына 39 мегабитпен интернетке қосылу жылдамдығы, 4220 іс-шара мен баруға болатын орындар, шамамен сегіз мың қонақүйі бар қала ретінде рейтингте бірінші орынды иеленді. Одан кейін Үндістан астанасы Нью-Дели тұр, мұнда қоғамдық көлікпен жүру 35 рупий (200 теңге) тұрады және орташа температура Цельсий бойынша 25 градус. Үздік үштікті Бангкок (Тайланд) қорытындылады.
Жалғыз саяхаттауға қолайлы қалалар тізімі:
1. Рим, Италия)
2. Нью-Дели (Үндістан)
3. Бангкок (Тайланд)
4. Ыстамбұл, Түркия)
5. Джайпур (Үндістан)
6. Афины, (Греция)
7. Дубай, (БАӘ)
8. Флоренция (Италия)
9. Лиссабон (Португалия)
10. Париж, (Франция)