«Қ» әрпінен басталатын мақал-мәтелдер

• Қыз қылығымен.
• Қызға қырық үйден тыйым.
• Қызым үйде, қылығы түзде.
• Қыз ــ қонақ.
• Қатық ішіп сен отырсың, қатып-семіп мен отырмын.
• Қотыр атқа соқыр ат үйір.
• Қашаған айғыр үйірін құртар,
• Қашаған еркек үйін құртар.
• Қызғаншақ кісі қыртиғыш.
• Қатты жерге қақ тұрар, қайратты ерге бақ тұрар.
• Қарға қаз боламын деп таңы айырылыпты.
• Қисықтың көлеңкесі де қисық.
• Қырық кісі бір жақ, қыңыр кісі бір жақ.
• Қошқар болар қозының маңдайы дөң.
• Қиялы-көкте, құйрығы-төсекте.
• Қатқан етте қан болмайды, өтірікшіде ар болмайды.
• Қанатсыз жебе қағыс кетер.
• Қасіреттің кеселін, қажыр-қайрат жеңеді.
• Қыңыр ағашқа өткір балта.
• Қойшының қызы қой келгенде іс тігеді.
• Құдаңның түйесін сұра, қорыққанынан биесін берер.
• Қонысы жоқтың соры бар, Қонысы бардың қоры бар.
• Қаусет біткен күмәнді.
• Қайтып келер есігіңді қатты серіппе.
• Қатынына қарай қазаны.
• Қазанда не болса, шөмішке сол ілінеді.
• Қойға қоңырау жараспас.
• Қайғысыз қара суға семіреді.
• Құтырған әкім құдайсынар.
• Қамысты бос ұстасаң, қолыңды кеседі, Қасыңды бос ұстасаң, төбеңді теседі.
• Қырық жыл қырғын болса да ажалды өлер.
• Қырықтың бірі- Қыдыр.
• Қызы бар үйдің жеңгесі сүйкімді.
• Қалыңдығына өкпелеген күйеу, қайнысына сәлем бермейді.
• Қатарынан қалған кәрі жетім.
• Қолы қимылдағанның, аузы қимылдар.
• Қасқырдан қайрат кетсе, ешкіні апа, текені жезде дейді.
• Қарғайын десем-жалғызым, Қарғамайын десем-жалмауызым.
• Қызыл алманың қышқылы бар.
• Қасқырдың аузы жесе де қан, жемесе де қан.
• Қоянның өзін көріп, қалжасынан түңіл.
• Қыс қатты, жаз тәтті.
• Қақаған қарлы боранда, ұры мен бөрі қараңда.
• Қаңғыбас ерге барғанша, қазулы көрге бар.
• Қыз құшпаған ер арманда, Қызғалдақ жемеген қозы арманда.
• Қызға қырық жігіт сөйлеседі.
• Қазақтың ақылы көзінде, қасиеті сөзінде.
• Қышығанда қатты қасынсаң, терлегенде удай ашыр.
• Құтырғаннан құтылған артық.
• Қотыр қолдан жұғады.
• Қылдай сызат-құрудың басы
• Қонақтың алтынын алма, алғысын ал.
• Қырықтағы ақымақ-қырғын ақымақ.
• Қу мақтанса, алдап қаққанын айтар.

Дайындаған: Мейіржан Әуелханұлы

Сурет: art.eubank.kz