Оқи отырыңыз

Бір қазақ ең кемі екі ақыл айтып кетеді. Өз қара бас сол екі ақылдың біреуін орындап жүрген болса, әлдеқашан адам болып кетер еді.

Автор: Ғабит Мүсірепов

— Редактор бағаны —

Массагетте пікір қалдыру мен блог жазу ережесі өзгерді
Массагетте пікір қалдыру мен блог жазу ережесі өзгерді

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

20 жасқа дейін...
20 жасқа дейін...

Автор: Томирис Есқали

Статус: Контент-менеджер

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Лайфстайл / Әлемтану / Қазақстаным / Төлқұжатыңыз жоғалса...

Төлқұжатыңыз жоғалса...

Төлқұжатыңыз жоғалса...

Қазіргі таңда шетел асу, ел көру, жер көру деген қолжетімді дүниеге айналды. Осы мүмкіндікті пайдаланып қалуға тырысып жүргендердің қатары да көз қуантады. Жат жерде не болмайды десеңізші? Адасып кетуіңіз, жүктеріңізден айрылып қалуыңыз, ақшаңызды ұрлатып немесе төлқұжатыңызды жоғалтып алуыңыз әбден мүмкін. Соңғысының жоғалуы – ең қиыны. Себебі, құжатыңыз болмаса, Отаныңызға қайта орала алмайсыз. Ақша, киім – бәрі де табылады, ал құжаттың орны бір бөлек...

Сонымен, құжатыңызды жоғалтып алсаңыз не істейсіз? Ондай жағдайдың алдын алуға бола ма?

1. Шекара аспас бұрын, шетелге шығу төлқұжатының (заграничный паспорт) бірнеше көшірмесін жасатып алыңыз. Көшірме виза қойылған бетке де жасалуы керек. Саяхат барысында құжатыңыз жоғалса, қалпына келтіру оңай болады.

2. Сапарыңыз бағытталған елдегі қазақстандық елшіліктің мекенжайын, телефонын, жұмыс істеу уақытын алдын ала жазып алыңыз.

3. Өзге елде жүріп төлқұжатыңыз жоғалса, жоғалғаны туралы анықтама алу үшін жергілікті полиция бөлімшесіне бірден хабарласыңыз. Сонан кейін қазақстандық елшілікке барыңыз. Онда сізге Қазақстан Республикасына қайту туралы куәлік беріледі. Сіз бұл қағазды өз еліңізге оралғаннан кейін, 10 күн ішінде аудандық милиция бөлімшесіне қайтарасыз.

4. Елшілікке барғанда полиция бөлімшесі ұсынған анықтаманың нотариалдандырылған расталған аудармасын жасатып алыңыз. Бұл сізге жаңа шетелге шығу құжатын жасатқанда керек болады.

5. Мұндай қолайсыз жағдайдың алдын алу үшін төлқұжатты қона үйдің темірсандығында немесе пәтерде сақтаған жөн. Құжаттың керек болып қалатынын білсеңіз, өзіңізбен бірге нотариалдандырылған расталған көшірмені алып шыққан дұрыс.


Ал кейде шетелде емес, туған қаламызда жүріп те жеке куәлігімізді жоғалтамыз немесе ұрлатамыз. Мұндай жағдайда да төмендегі нұсқауларды біле жүрген артықтық етпейді.

Есіңізде болсын, әкімшілік құқық бұзушылықтар туралы кодекстің 377-бабына сәйкес, құжатсыз немесе мерзімі өткен құжаттармен жүруге болмайды. Басқаша жағдайда айыппұл салынады.

Сонымен, жеке куәлік жоғалған жағдайда, бірінші тұрғылықты жеріңіз бойынша АІІД бөлімшесіне жүгіну керек, ол жерде тергеуші сізге құжаттың ұрланғаны я жоғалғаны туралы анықтама береді. Әрі қарай негізгі құжатты қалпына келтіру үшін тіркелу орны бойынша Халыққа қызмет көрсету орталығына (ХҚКО) бару керек.

Жеке куәлікті қалпына келтіру үшін өзімен бірге мынадай құжаттар болуы керек:

  1) АІІД құжаттың ұрланғаны туралы анықтама;

  2) жеке куәліктің жоғалған жағдайларын көрсетумен жазбаша өтініш;

  3) ұрланған жеке куәліктің көшірмесі (бар болған жағдайда);

  4) 0,2 АЕК (370 теңге) мөлшеріндегі мемлекеттік баж алымды төлеу туралы түбіртек;

  5) төлқұжат (бар болса тексеру үшін түпнұсқа және көшірме);

  6) мекенжай анықтамасы немесе азаматтарды тіркеу кітабының көшірмесі (үй кітабы) тексеру үшін түпнұсқа және көшірме);

  7) 3,5 x 4,5 см. өлшемді 2 фотосурет.

Жаңа құжатты алғанға дейін сізге уақытша жеке куәлік беріледі. Оны ХҚКО қызметкері азаматтың қалауы бойынша – мемлекеттік немесе орыс тілдерінде қолмен анық толтырады. Уақытша жеке куәлікке азамат туралы мынадай мәліметтер енгізіледі: тегі, аты, әкесінің аты, туған күні және орны, ұлты (қалауы бойынша), тұрғылықты мекенжайы, орган және берілген күні, қолданылу мерзімі, азаматтың қолы.

Дайындаған: Айгерім Сматуллаева

Сурет: newskaz.kz, egov.kz

Дайындаған: Кәусар Мұң
Қосылған күні: 17 ақпан 2014, 18:50
Пікірлер
+0
17 ақпан 2014, 19:43

екі құжат істеу заңды ма не?

+0
17 ақпан 2014, 19:59

қайда тұр екі құжат?

+0
17 ақпан 2014, 20:02

Шекара аспас бұрын, шетелге шығу төлқұжатының (заграничный паспорт) бірнеше көшірмесін жасатып алыңыз. Көшірме виза қойылған бетке де жасалуы керек. Саяхат барысында құжатыңыз жоғалса, қалпына келтіру оңай болады. Мынаны енді түсіндім, көшірме дегенді екінші нұсқасы деп ұғып қалыптым ))

+0
18 ақпан 2014, 18:55

4строкта турго толкужатжеп айгерм

+0
18 ақпан 2014, 18:56

толкужат деп

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.