37 сарбаздың сүйегі табылды

37 сарбаздың сүйегі табылды

"Боевое братство" қоры ұйымдастырған "Вахта Памяти Казахстан-2013" қазақстандық экспедициясы Ресейдің Псков облысы аумағынан 37 кеңес сарбазының мәйітін тапты деп хабарлайды Tengrinews.kz тілшісі. 

Іздеу тобының мүшесі Әсет Жақсыбаевтың айтуынша, алғашқы екі күнде 9 сарбаздың денесі шығарылса, келесі күні 11 мәйіт табылған. Облыс батпақты аймақ болғандықтан, іздеу жұмыстары қиынға соғуда және ресейлік іздеушілер де қазақстандық экспедицияға көмек қолын созып отыр. Бүгін-ертең тағы да мәйіттердің табылып қалуы әбден мүмкін екен.

Әсет Жақсыбаев тағы бір сөзінде: "Бұл ауылда байланыс жүйелері жақсы ұстамайтындықтан топ мүшелері жаңалықтарды тілшілер қауымына дер кезінде жеткізе алмайды. Біз мұнда шатырлы лагерь құрып қойдық. Экспедиция мүшелері күн сайын таңғы сағат 7-де іздеу жұмыстарына аттанады да, өте кеш қайтады. Бұл жерден соғыстың иісі мүңкіп жатыр, күн сайын гранаталарды, оқ-дәрілерді тауып аламыз" - деді.

Кеңес Одағының Батыры Әлия Молдағұлованың да денесі осы жерден табылуы мүмкін. Алайда, дәл қазір мәйіттердің кімге тиесілі екенін анықтау қиын. Осыдан біршама уақыт бұрын қазақстандық экспедицияның Кеңес Одағының Батыры Әлия Молдағұлованың денесін іздеу үшін Псков ауданына аттанғаны, қаһарман қызымыздың Ақтөбе қаласындағы мазары бос шыққандығы хабарланған болатын. Ә. Молдағұлованың отбасы үшін бұл жаңалық ауыр тиді. Оның әпкесі Әлия Үсенова Молдағұлованы Қазақстанға жерлегісі келетіндігін мәлімдеді.

Әлия Молдағұлова Ақтөбе облысы, Хобда ауданы, Бұлақ ауылында Сарқұлов Нұрмұхаммед және Молдағұлова Маржанның отбасында 1925 жылдың 15 маусымында дүниеге келген.  1943 ж. бастап 54-ші арнайы атқыштар бригадасы 4-батальонының снайпері болған (22-ші әскер, 2-ші Балтық жағалауы фронты). Жау әскерінің 30-дан аса сарбаздары мен офицерлерінің көзін жойған. 1944 ж. 14 қаңтарда Псков облысының солтүстігіндегі Новосокольники ауданында қаза тапты.

Экспедиция Қазақстанға тамыз айының жиырмасыншы жұлдызында оралатын болады. Айта кетейік, іссапарға 6 млн. қаражат бөлінді және келер жылы да іздеу жұмыстары жалғасатын болады. Ал ақпараттық қолдауды Alash Media Group компаниясы көрсетіп отыр.

Дайындаған: Айгерім Сматуллаева

Сурет: tengrinews.kz

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

I-BALAQAI: Көру қабілетін ұзақ уақытқа қалай сақтауға болады?
I-BALAQAI: Көру қабілетін ұзақ уақытқа қалай сақтауға болады?
Ұшақта Wi-Fi қалай жұмыс істейді?
Ұшақта Wi-Fi қалай жұмыс істейді?
Ғалымдар қазақ халқының генін зерттеуге кірісті
Ғалымдар қазақ халқының генін зерттеуге кірісті
"Абай жолының" қысқаша мазмұны. II том, "Биікте"
"Абай жолының" қысқаша мазмұны. II том, "Биікте"
Медицина – көмек емес, қызмет. ER-BATYR жобасында дәрігер Киреев
Медицина – көмек емес, қызмет. ER-BATYR жобасында дәрігер Киреев
Golden Boy президенті Головкин – "Канело" ІІІ жекпе-жегінің өтетін уақытын айтты
Golden Boy президенті Головкин – "Канело" ІІІ жекпе-жегінің өтетін уақытын айтты