ДДҰ Қазақстандағы коронавирус бойынша деректерді біріктірді

ДДҰ Қазақстандағы коронавирус бойынша деректерді біріктірді

Дүниежүзілік денсаулық сақтау ұйымы Қазақстандағы ПТР тестілеуі теріс көрсеткен пневмония жағдайларын коронавирус деп мойындап, сайтында статистиканы біріктірді, - деп хабарлайды Tengrinews.kz.

Енді ДДҰ сайтында коронавирус инфекциясы және коронавирустың клиникалық белгілері бар, бірақ ПТР тестілеу теріс көрсеткен пневмония жағдайлары бір статистикамен көрсетіледі.

Әзірге соңғы тәуліктегі деректер жаңартылған кестеге енгізілген жоқ. Сондықтан ұйымның сайтында елде барлығы 105,5 мың инфекция жұқтырған адам тіркелгені жазылған.

Еске салайық, ведомствоаралық комиссияның мәліметінше, Қазақстанда бір тәулік ішінде коронавирус жұқтырған 907 адам және COVID-ға ұқсас пневмониямен 1102 адам анықталған.

ДДҰ мәліметінше, елде бір аптада коронавирустан 316 адам қайтыс болған.

Айта кетейік, Джон Хопкинс университетінің сайтында ақпарат әлі жаңармаған. Ал Coronavirus2020.kz ресми сайтында деректер әртүрлі тізімде көрсетілген.

Бұған дейін денсаулық сақтау вице-министрі Людмила Бұйрабекова Қазақстан коронавирус пен COVID-ға ұқсас пневмония бойынша статистиканы біріктіруге дайын екенін, бірақ ДДҰ-ның келісімін күтіп отырғанын айтқан болатын.

Біріккен деректер қазақстандықтарға елдегі COVID-19 таралуының толық жағдайын көруге көмектеседі.

Денсаулық сақтау министрлігінің ресми өкілі Бағдат Қоджахметов түсіндіріп өткендей, деректерді күніне емес, апта бойынша салыстыру дұрысырақ. "Сонда карантин аяқталған соң 17 тамыздан кейін не істеу керектігін шешу үшін елдегі жағдайдың нақты қандай екенін көреміз", - деді ол.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Итбегілік өнері ресми спорт түріне қосылуы мүмкін
Итбегілік өнері ресми спорт түріне қосылуы мүмкін
ФИФА ұлттық құрамада ойын өткізген футболшыға өзге құрамаға ауысуға рұқсат етті
ФИФА ұлттық құрамада ойын өткізген футболшыға өзге құрамаға ауысуға рұқсат етті
20 жыл ішінде әлем 100 миллион гектар орманнан айырылды
20 жыл ішінде әлем 100 миллион гектар орманнан айырылды
Әлемнің ең кәрі тұрғыны өмір сүру ұзақтығы бойынша рекорд жаңартты
Әлемнің ең кәрі тұрғыны өмір сүру ұзақтығы бойынша рекорд жаңартты
"Балмұздақ, зейнетақы, көкжиек": Ісләм Жарылғаповтың сөз маржандары
"Балмұздақ, зейнетақы, көкжиек": Ісләм Жарылғаповтың сөз маржандары
Тәбәрік деген не?
Тәбәрік деген не?