Дәрігер құйрық майдың пайдасы жайлы айтты

Невролог Ұлжалғас Сманова өзінің инстаграм парақшасында құйрық майдың пайдасы жайлы айтты, - деп хабарлайды Massaget.kz тілшісі.

Невролог және нутрициолог Ұлжалғас Сманова қазақ халқы бұрын құйрық майды жеп те, ішіп те, тіпті, онымен баланың терісін сылағанын айтып, оның құрамына тоқталды:

• Құйрық майдың құрамы ағзаға пайдалы амин қышқылдарына, А, Е, В дәрумендер тобына бай.
• Сондай-ақ оның құрамында мырыш, селен, фосфор, натрий, магний және өзге де ағзаға аса қажет минералдар бар.

Дәрігердің айтуынша, құйрық майдың мынадай пайдалы қасиеттері бар:

1. Асқазан-ішек жолдары қызметін дұрыстайды;
2. Жаңа гормондар түзеді;
3. Өтті сұйылтады және өттің жақсы бөлінуіне көмектеседі;
4. Ерлердегі белсіздік ауруының алдын алады;
5. Дәрумен жетіспеушілігін болдырмайды;
6. Жүйке жүйесіне пайдалы, агрессияны басады;
7. Асқорытуды жеңілдетеді;
8. Қанайналымды жақсартады;
9. Ағзадағы токсин, шлактарды шығаруға күш салады;
10. Теріні үлбіретеді, құрғап, жарылудан қорғайды.

Еске салайық, көптеген ауруға ем сүйек сорпасын қалай дайындау керегін мына жерден оқи аласыз..