Күтімді көп қажет етпейтін бөлме гүлдері

Күтімді көп қажет етпейтін бөлме гүлдері

Нәзік жанды арулардың талғамы да нәзік дүниеге құмар. Бөлмеге, не кеңсеге сән беріп, ерекше аура сыйлайтын гүлдердің көп күтімді қажет етпейтін түрлері де болады. Өсімдікке көңіл бөлуге қол тимесе, мына гүлдерді біліп жүріңіздер.

Хлорофитум (Chlorophytum)

Мыңжылдық өсімдіктер қатарына жататын бұл гүл күй таңдамайды. Көлеңкеде де, күн көзінде де, суық не жылы жерде де өсе береді. Бір ай суармасаңыз түбі құрғап, солады, бірақ өлмейді. Суарған сайын тамыры ірілей түседі. Басты ерекшелігі – ауадағы токсиндерді жояды.

Сансевиерия (Sansevieria)

Мыңжылдық гүлдері қатарына енетін бұл гүл де көлеңкеде де, күн көзінде де өсе береді. Күн көзінде тұрса, жапырақтарының түсі өзгереді. Сансевиерия құрғақ ауадан да, өкпек желден де қорықпайды. Дегенмен жиі суарып тұруды қажет етеді. Ал қыста мүлдем суармауға болады. Өйткені көктем шыққанға дейін суарсаңыз да, суармасаңыз да гүлдемейді.

Эпипремнум (Epipremnum)

Бұл гүл ұсақтығымен ерекшеленеді. Көлеңкеде жапырағының түсі жап-жасыл болып, кішірейе түседі. 15°С-тан төмен температураға және өкпек желге шыдамсыз. Ауаны формальдегид пен ксилолдан тазартады.

Хойя карноза (Hoya carnosa) немесе балшырмауық

Бұл гүл шырмауық тәрізді: 6-7 метр болып шырмалып өседі. Жиі суарғанды ұнатпайды. Күн көзінде тұрса әдемі гүлдейді. 

Крассула (Crassula) не ақшагүл

Бұл гүлдің биіктігі жарты метрге дейін барады. Жапырақтары дөңгелек тәрізді, қою жасыл түсті болып келеді. Күннің көзінде тұрғанды ұнатады. Көлеңкеде қалып қойса, жапырақтары ұсақталып кетеді. Дымқыл топырақты ұнатпайды. 

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Google гаджеттерін қоқыс қалдықтарынан жасайды
Google гаджеттерін қоқыс қалдықтарынан жасайды
Қазақстанда қотырды жазатын дәрі сынақтан өтіп жатыр
Қазақстанда қотырды жазатын дәрі сынақтан өтіп жатыр
Джетлаг деген не және оны қалай еңсеруге болады?
Джетлаг деген не және оны қалай еңсеруге болады?
Жүрекке пайдалы азық-түліктер
Жүрекке пайдалы азық-түліктер
Қазақстанның екі табиғи қорығы ЮНЕСКО-ның биосфералық резерваты тізіміне енеді
Қазақстанның екі табиғи қорығы ЮНЕСКО-ның биосфералық резерваты тізіміне енеді
Елде жалдамалы жұмысшылар құқығын қорғайтын заң мақұлданды
Елде жалдамалы жұмысшылар құқығын қорғайтын заң мақұлданды