«Жауыңды жеңгің келсе, құшағыңа ал»

Достық пен жауластық - өлмейтін тақырып. Әркім де әр жерде, әр уақытта бұл мәселемен бас ауыртқаны шындық. Қастықты қазақ халқы өз мақал-мәтелдерімен талай айқындап, сипаттамасын да берген. Ал әлемде жаулық, өшпенділік, қастық туралы қандай ой айтылады екен?

• Ұрысқа ниет болса, себеп табыла кетеді. Илья Шевелев
• Қолыма қалам алған күнімді қарғыс атсын! Оған дейін менде тек достар бар еді, ал қазір тек дұшпандар. Жан-Жак Руссо
• Өзіне дос іздемейтін адам өзіне өзі дұшпан. Шота Руставели
• Жексұрын жыланнан да жаман. Жылан бір рет қана шағып алуы мүмкін. Ал жексұрын қайта-қайта шағады. Чанакья Пандит
• Мен өз жауларымды дос етіп алу арқылы жеңіп кетемін. Авраам Линкольн
• Өз жауын аямаған адам, досын да аямайды. Авессалом Подводный
• Өз-өзіңмен үйлесімді өмір сүрмесең – нағыз жаугершілік осы. Белгісіз автор
• Достарыңмен жауласу дұшпаныңмен соғысудан да қиын. Демокрит
• «Өле қал!» деп айтылған жаудың сөзі маған «Аман бол!» дегенімен бірдей-ақ. А.Гафуров
• Жаудың мықты болғаны жақсы, тек ызалы болмаса болыпты. Авессалом Подводный
• Дұшпанына рақымшылықпен қарайтын адам өз өмірін бағаламайды. Константин Щемелинин
• Биіктегіңіз келсе – дұшпан іздеп табыңыз. Шарль Морис Талейран
• Ойлы жауға қарағанда, ойсыз жау қауіптірек. Константин Кушнер
• Жауың көп болса, қорқыныш емес, ал досың жоқ болса, міне, осы ең ауыры. Веселин Георгиев
• Соғысты ушықтыруға қарағанда соғысты болдырмай тастау – ерлік. Мэри Андерсон
• Жауыңмен достасу – соғысудан шаршағаның мен жеңілістен қорқатыныңды білдіреді. Франсуа де Ларошфуко
• О, құдай, мені достарымнан құтқаршы, ал жауларымды өзіме қалдыр! Александр Македонский
• Жауыңды шын жеңгің келсе, құшағыңа ал... Белгісіз автор

Дайындаған: Ардақ Құлтай

Сурет: smlazarevi.ru