Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Бойжеткен / Психология / Жолдасыңыздың сырын ешкімге ашпаңыз

Жолдасыңыздың сырын ешкімге ашпаңыз

Жолдасыңыздың сырын ешкімге ашпаңыз

Өміріңізде болып жатқан оқиғалардан достарыңызды, туыстарыңызды хабардар етудің еш сөгеттігі жоқ. Алайда айтылмайтын тақырыптар да бар. Әсіресе отбасылық өмірге қадам басқан болсаңыз, біраз нәрсені құпия сақтауға, бұрынғыдай емен-жарқын барлығын жайып салмай, әр сөзіңізге абай болып айтуға тура келеді. Себебі бұл тек жеке басыңыздың емес, жолдасыңыздың да сыры.

Өкпе-реніш
Жолдасыңызға ренжіп қалсаңыз, басқаға барып оның қылығын айтып, шағымдануға асықпаңыз, жеке өзіне ғана айтып, оңашада шешіңіз. Басқалар сізге өз күйеуіңізді одан ары жамандап, жаныңызды тек негативке толтырады. Одан ренішіңіз ұлғайып, қарым-қатынасты қалпына келтіру де қиындай түседі. Ал кейін қайта татуласқанда күйеуіңіз сіз құлағдар қылған адамдардың емес, сіздің ғана көңіліңізді табады. Ал жамандаған адамдарыңыз сол пікірінде қалып, оны жек көріп жүреді.

Қаржылық қиындықтар
Қаражат жағынан қиналу тіпті сіз бай деп жүрген адамдардың да басында болуы мүмкін. Ақшаның жетпей жатқанын, айлықтан айлыққа қарап күн көріп отырғаныңызды жыр қылудың пайдасы жоқ. Отбасылық бюджетіңізді де жария қылып, кімнің қанша табатыны, оның қаншасына азық-түлік алып, қаншасын жолға жұмсайтындарыңыз да ешкімге керек емес. Жетпей жатса біреу барын бөліп бермейді, асып-тасып жатса өзгенің күндестігін қоздырып, одан артылам деудің қажеті жоқ.

Бақыт
«Бақыт тыныштықты сүйеді» деген сөзді естіген боларсыз. Сондықтан сізде бәрі жақсы екенін қайта-қайта айтып, басқалардың қызғанышын оятпаңыз. Қазақта тіл-көз деген ұғым да терең сенімге ие.

Жоспар
Алға қойған мақсаттарыңызды, жоспарларыңызды, армандарыңызды да жария қылудың қажеті жоқ. Адамдар сөзіңізге емес, біткен ісіңізге қарап тәнті болатындай жағдай жасаңыз. Ойыңызды барлығына айта берсеңіз, орындалмай қалуы да ықтимал. Көпке күлкі болғанша, орындалмаған ісіңіз ішіңізде қала берсін. Мүмкін, алдағы уақытта қол жеткізесіздер, ал сіз айтқан уақытта жетпеген мақсатыңыздан табалаған көпшіліктің сөзі одан сайын кейін шегіндіре түседі.

Жолдасыңыздың достары туралы пікірі
Қандай жағдай болса да, бұл ақпаратты мемлекеттік құпиядай сақтаңыз. Себебі бұл толассыз өсекке ұласып, нәтижесінде еріңіздің сізге деген сенімсіздігі мен ренішінен өзге түк қалмайды. Әрі оның беделіне де нұқсан келеді.

Аз сөйлеп, көп тыңдайтындар қатарында болсаңыз, ештеңеден ұтылмайсыз.

0
Рейтинг: +1

Дайындаған: Әсел Асанова
Фото: pixabay.com
Қосылған күні: 30 қыркүйек, 08:53

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.