Оқи отырыңыз

Өзі білмесе де елге ақыл айту – қазақтың қасиетті өнері.

Автор: Оралхан Бөкей

— Редактор бағаны —

Сүйінші, «Massaget» мобильді қосымшасы іске қосылды!
Сүйінші, «Massaget» мобильді қосымшасы іске қосылды!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

Сіз қандай ән тыңдайсыз?
Сіз қандай ән тыңдайсыз?

Автор: Жандарбек Жұмағұлов

Статус: Контент-менеджер

Ең бай адам болғыңыз келе ме?
Ең бай адам болғыңыз келе ме?

Автор: Марғұлан Ақан

Статус: Контент-менеджер

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бойжеткен / Психология / Қарым қатынастың қаймағын бұзбай сақтау үшін...

Қарым қатынастың қаймағын бұзбай сақтау үшін...

Қарым қатынастың қаймағын бұзбай сақтау үшін...

Қыз бен жігіт алғаш кездесе бастаған шақта бәрі жақсы, бәрі тәтті. Әр кездесуге ең алғаш рет барайын деп тұрғандай сезіммен қобалжып дайындаламыз. Уақыт өте келе қолда барды бағаламай жатамыз. Сыйлық беру, мадақ сөздер айту, бір күн көрмесең сағыну азая бастайды. Өз еркіңнен де ажырай бересің, қадам басқан сайын рұқсат сұрап, ескертіп отыруың керек. Содан соң күнде біреуге ғашық болып көзі жайнап келетін, өз еркі өзінде тәуелсіз жүрген, болашағынан үміті зор басы бос адамдарға қызыға да қызғана қараймыз.

Жұбың жиі хабарласпайтынын, жиі келмейтінін, алғашқы кездегіге қарағанда өзгеріп кеткенін сылтауратып, бүлік шығара бастаймыз. Арамыз ажырап кеткен соң көксеген еркіндікке жеткендей болып, білгенімізше қыдырамыз, ойнаймыз, күлеміз. Бірақ бірдеңе жетіспей тұрғандай болады.

Құшақтар айқаса отырып күнді қалай өткізгеніңді, бірге өткерген уақыттарды, бюджетті, эмоцияны сөз ететін кезді аңсайсың. Ең сенімді қорғаныңдай болған кеудеге басыңды төсей отырып болашаққа бірге жоспар құратын, жетістіктерге бірге қуанатын сәттерді сағынасың. Амалын тауып қайта татуласасың. Бірақ бұрынғыдай ернің дірілдеп, жүрегің жиі соғып, қолың қалтырайтын қобалжу болмайды. Оны қайтару қажет. Өзіңді де, серігіңді де дайындап, қолайлы шақты қалт жібермеу керек. Бұл бастапқыдағы күндерден әлдеқайда қиын. Бірақ қолдан келмейтін іс те емес.

Қарым қатынас ұзаққа созылған сайын жазылатын хаттар да, кездесулер де, сыйлықтар да астын сызып отыру үшін ғана атқарылатын міндетті шаруадай шаршатып жіберуі мүмкін. Сондықтан алғаш кездесе бастаған шақтағыға қарағанда көбірек күш жұмсау керек. Ол үшін басқа «қызықты» да идеал серіктес іздеп, артығын табамын деп әуреленудің қажеті жоқ.

Қарым қатынастағы бал шырын шақты бастапқыдай тәтті күйінде сақтап қалудың арнайы ережесі, рецебі, айласы жоқ. Әркімде өзіне тән қайталанбас, көшірілмес әдістер болады. Тек бір ғана маңызды шарты: серігіңіз де, сіз де барлығын махаббатпен орындау. Мақтасаңыз да, ас әзірлесеңіз де, тарту жасасаңыз да, тіпті ыдыс жуғанда да, жағымсыз жаңалық айтып, ескерту жасасаңыз да – бәрі-бәрін сезіммен істеңіз. Сонда әлемдегі ең жақсы жан жаныңызда жүргенін ешқашан ұмытпайсыз.

1724 1
Рейтинг: +1

Дайындаған: Әсел Асанова
Фото: Артём Мирошниченко
Қосылған күні: 18 мамыр 2017, 12:15
Пікірлер

Бұл жазбаға әлі пікір жазылған жоқ. Бірінші болып пікір білдіріңіз.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл, 13 маусым

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз. 

Қайсар До Бон Сун #1
Қайсар До Бон Сун #1

До Бон Сун – ерекше қыз.Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық...