Қателікті кешіру –  иілу емес

Қателікті кешіру – иілу емес

Тағдырдың даңғыл жолында әртүрлі қателіктердің кесірінен, өмір ережесі бұзылып, соқтығыстар туады. Бірі сіздің айыбыңыз болса, енді бірі басқалардың қателігі. Бұл қателіктердің барлығына мән беріп, айтылған сөзді жақын қабылдасақ, әрине, өмір сүрудің мәні де жоғалар еді. Сондықтан өміріңізде болған ақтаңдақтарға аса мән беріп, өзіңізді жегідей жеудің қажеті жоқ.

Ең алдымен өзіңізді кешіріңіз! Білместіктен болған қатенің кесірінен болған өмірдің барлық сәтсіздіктерін бақытсыздыққа балап, өмірден түңілмеңіз. Өткен-кеткен қате шешімдеріңізді ойлап тағы басыңызды қатырмаңыз. Тек сол қателік неден, қандай себептен болғанын саралаңыз. Біз әлі талай қателік жібереміз. Ол үшін қаймығып, уайымдаудың да қажеті жоқ. Қателік бізді шыңдайды. Бізге елес болған асқарды, өзіміз бағындырған белеске жеткізеді. Бұрын өткен кемшіліктерді өз бетіңізге өзіңіз бассаңыз, сіздің әлсіз, өмірге шыдамсыз екеніңіз аңғарылады. Сізді қазіргі деңгейге көтерген де осы - қателік. Қателесуден қорықпаңыз!

Кей адамдар өмірінің соңына дейін ата-анасын жазғырып, соларға кінә артады. Оның балалық шағы басқалардай бақытты өтпегені үшін тіпті, қарапайым ойыншыққа қолы жетпегені үшін де реніштер болады. Бұл реніштерді бүгіннен бастап санаңыздан өшіріңіз! Біреуге назалы болу – денсаулығыңызға зиян. Сізді дүниеге әкелген адамдарға кінә тағу адамгершілікке жатпайды. Және сол бұлыңғыр бала шақтағы өкпені ұмытпай, сіз ересек адамдар қатарына қосылмайсыз. Себебі сіздің бар психологияңыз, ойыңыз, санаңыз сол алыс кезеңде қалып қойған. Сондықтан ересек адам қатарына қосылып, дербес өмір сүргіңіз келсе, кешіре біліңіз!

Сүйіктіңізге назданбаңыз! Әйел мен еркектің арасында келеңсіз жағдайлар әрине, көп болады. Қателіктерге бой алдыратын сәттер де бар. Сондай сәтте бірі екіншісіне тіл қатпай, бірін-бірі тәрбиелемекші болады. Сұстанып, сөзіне мән бермей, ашуын көрсетеді. Бұл артық әрекет. Әйтпесе, бірі іштей кешірсе де, оның санасына жетсін деген мақсатпен иілмейді. Кейде тіпті "беделін" түсіргісі келмейтіндер де бар. Бірақ әңгіме сіздің таңдаған өмірлік жарыңыз, сүйіктіңіз жайлы болса, бедел туралы ойлауға қандай хақыңыз бар? Демек сіз өз махаббатыңыздан уақытша бас тарттыңыз. «Мен оны бәрібір кешіремін» деген тіркестер арулардың тарапынан көп айтылады. Ал егер сіз оны күндердің күнінде бәрібір кешіретін болсаңыз, неге бүгіннен бастамасқа? Егер қатты ренжітіп, көңіліңізді құлазытса, оның сіз жақсы көретін он қасиетін теріңіз. Міндетті түрде даудың соңы шиеленісіп кетпей тұрып, кешірім беріңіз!

Айналаңыздағыларға кешіріммен қараңыз! Сізді кімде-кім ренжітсе, соны тез арада кешіруді әдетке айналдырыңыз. Ішіңізде сақтап, бар өкініш пен ызаны бойда ұстау - бар проблеманың бастамасы. Жағымсыз ойлар сіздің миыңызға маза бермей, санаңызды улайды. Егер реніскен адамыңызбен қарым-қатынасыңызды үзсеңіз де, кешірім беріңіз. Мейлі ол кінәлі болсын, болмасын. Жай ғана телефон соғып, кешіргеніңіз туралы мәлімдеңіз. Немесе хат жазып жіберіңіз. Сіз кінәлі санаған адамның ақталуын талап етпей-ақ қойыңыз. Жәй ғана жүрегіңіздегі шырмаулы өкпеден босатып, сол адамға бақыт тілеңіз. Сіз қашалықты кешірімді, мейірімді, арайлы болсаңыз, өмір де сізге жылы шырай танытады.

Өмірдің барлық сәтсіздіктер – сәттіліктің бастамасы. Өзіңізді, өзгені кешіру арқылы жағымды аура жинайсыз. Бұдан былай  өмірдің қай күйгелек сәті болмасын, өзіңізді қолға алған жөн. Ешкімге дауыс көтеріп ұрысып, дау-дамайға араласпаңыз. Психолгтардың айтуынша, айғайға, ұрысқа кеткен энергия, таңғы аста жинаған энергиямен тең. Ұрыс жүйке жүйесіне әсер ететін фактор. Көңілді түсіру, жылау, дауыс көтеру тіпті қан айналымының бұзылуына да әкеп соқтырады. Тіпті кей қатерлі ісіктер де, осы жанжалдар мен адам арасындағы қарым-қатынастан пайда болады. Іште кек сақтап, біреуге дықтану да өз кесірін тигізбей қоймайды. Ренішін шығармай, бүккен адам, зоб және тағы басқа тамақ ауруларына шалдығуы мүмкін. Сондықтан денсаулығымыз мықты болсын десек, көңіл-күйді реттеп, ойдағы бар жағымсыз энергиядан босауымыз қажет. Кей кезде тіпті бізде шаруасы жоқ адамға мінез көрсетіп, жанжал туғызып, оны өзімізге жақын қабылтап жатамыз. Сіз туралы мүлдем ақпараыт жоқ адамға жігеріңізді жасытпаңыз. Ол жәй ғана бос әурешілік.

Кешіру туралы мол ақпаратты әрине, ғаламтордан оқып, немесе аудиокітаптарды тыңдай аласыз. Өз-өзіңізді тәрбиелеп, танып, өмірден рахат алуға кеңестер мен ережелерге құлақ асқанның артығы жоқ. Аптасын бір рет осындай танымдық аудиокітаптарды тыңдауды әдетке айналдырыңыз, не кітап дүкендерінен сатып алыңыз.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Марадона мәңгілік сапарға аттанды
Марадона мәңгілік сапарға аттанды
Ұзақ өмір сүру үшін қанша сағат ұйықтау қажет?
Ұзақ өмір сүру үшін қанша сағат ұйықтау қажет?
Назарбаев университетінің жатақханалары қандай?
Назарбаев университетінің жатақханалары қандай?
Түр-түс атаулары қайдан шыққан?
Түр-түс атаулары қайдан шыққан?
Жайдарбек Күнғожинов: Ат, машина және отпен жұмыс істеу қашан да қауіпті
Жайдарбек Күнғожинов: Ат, машина және отпен жұмыс істеу қашан да қауіпті
Official! Головкин 18 желтоқсанда жекпе-жекке шығады
Official! Головкин 18 желтоқсанда жекпе-жекке шығады