Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бойжеткен / Психология / Бірінші боп сөз айтатын қыздарға қандай көзқарастасыз?

Бірінші боп сөз айтатын қыздарға қандай көзқарастасыз?

Бірінші боп сөз айтатын қыздарға қандай көзқарастасыз?

Әйелдер мен ерлер тең дейміз. Бірақ күнделікті өмірде бірдей құқық бере алмайтынымыз парадокс емей не? Мәселен, қыз баланың бірінші болып сезім білдіруі бізде жат саналады. Әрине, қазақ мәдениетінде мұндай жағдай жоқтың қасы. Осыған орай, сауалнама жасап көрген едік. Сіз де ой қоса отырыңыз.

Ұл: Онда тұрған ештеңе жоқ шығар. Жігіттердің бәрі бірдей батыл емес. Егер жігіт шынымен ұнап тұрса, неге қызға аздап «намек» тастамасқа?!

Ұл: Алғаш сезімін білдірген қыздарға қарсымын. Егер білдіру керек болса көзінің қиығымен ақ сездіруі тиіс шығар. Тым болмағанда бұрынғы апаларымыз секілді орамал сыйламаса да, соның бүгінгі орнын толтырарлық тәбәрік сыйласа жеткілікті.

Ұл: Қыздың сөз айтқаны біртүрлі ғой. Қыз баласы қылықты келеді. Өзінің сезімін қылығымен білдіруі мүмкін. Ал енді сөз айту деген меніңше дұрыс емес. Ол біздің менталитетке сай емес. Қазақтың қыздары қашанда ибалы келеді деген түсінік менің бойымда сақталғандықтан, мүмкін «комплекс» болғандықтан шығар, әйтеуір қыз баласының сөз айтқанын құп көрмеймін. Бір сөзбен айтқанда дұрыс қыз "легкодоступный" болмауы керек.

Ұл: Білмеймін. Ол да дұрыс шығар. Жігіттер азбыз ғой. Сосын олар өздері бірінші сөз айтады ғой.

Қыз: Ұнататынын айту әбестік деп ойламаймын. Тек, жігітке жабысып алмау керек.

Қыз: Қыз нәзік, ұялшақ, кішіпейіл болғандықтан, бірінші жігіт сөз айтқаны дұрыс қой. Себебі олар ержүрек келеді.

Қыз: Махаббат құрбандықты талап етедi, ол құрбандық қыз бала үшiн-намысы шығар, уақытында айтылмаған шындықтың қадiрi жоқ, егер шын сезiм болса, қыз бiрiншi бiлдiрдi не, жiгiт бiрiншi бiлдiрдi не?!

Қыз: Дұрыс емес, қызға, оның ішінде қазақ қызына жат қылық қой. Ер адам мен әйел адамның арасында жұмыс бабымен байланыс, шығармашылық байланыс болады, әрине. "Қарап тұрған жігітке қыз асылар" деп бабалар осы заманды айтып кеткен  екен онда...

Жігіт: Сөз айтудың да жөні бар. Осы күнге дейін қыздың бірінші болып сөз айтуы өте ұят, менталитетімізге сай емес, ерсі деп ойлаушы едім. Кейін қыз сезімін білдіргенде тұрған не бар деп бірнеше рет достарымды үгіттедім де, іште сақталып, іште ауырғаннан не пайда? Одан да айтып тынсын, ол жүрейік деп жатқан жоқ қой. Жәй сезімін білдіреді, бірақ сезімін бірінші білдірген дос қыздарымның ешқайсысы сол жігітпен бақытты болып кеткен жоқ. Қайта жаңа өмірге қадам басты. Қысқасы, сөз айту туралы ештеме дей алмаймын да, бірақ шынайы сезімін білдіргенде тұрған ештеме жоқ!

Қыз: Кейде өз сезімдерін білдіре алмайтын жігіттер болады, бірақ саған үнсіз қарап жүретін жігіттер болады – соларға бір талпыныс болсын деп білдіруге болады, бірақ алдымен ол жігіт жайлы жақсы білу қажет деп ойлаймын. Себебі қазақтың көп жігіттері қыздың сезімін бірінші білдіруін басқалай түсініп жатады. Көп жігіттер күлкіге айналдырып, мазақтап кететіндер болады. Дегенмен, кейін білдірмегенім-ай деп ішіңнен быт-шыт болғанша бір айтып білдірген дұрыс. Бірақ, сезім білдіру деген осы екен деп оның артынан қалмай қоюға болмайды. Егер жігіт жақсы болса, бір «намектан» түсінеді, ал одан түсінбесе қайта айтып, білдіріп, оған жақындап қажеті жоқ.

Қыз: Бізде «қыздар бірінші қадам жасамау керек» деген стереотип бар. Бұл пікірмен толығымен келісе алмаймын. Мәселе кімнің сезімін бірінші білдіруінде емес, олардың ары қарай жарасып кетуінде.

Қыз: Әрине, дұрыс емес! Дұрыс болған да емес! Қыз қылығымен, тәкәппарлығымен адамды сүйсіндірер... Бір сөзбен көптің көңіліне тиюге болмайды. Қыз – болашақ ана! Жаныңда болар жарың екендігін ұмытпағайсыздар!

Қыз: Қолдаймын. Менің ойымша, қазіргі заманда бәрі болады, 50-100 жылдан кейін біз патриархаттан матриархатқа көшеміз деген ойдамын, өйткені қазіргі кейбір ұлдар қыздардан жаман ерке, кербез, ұялшақ. Қыз бен ұл тең болуы керек.

Көріп отырғанымыздай, сауалнамаға қатысқандардың ішінде қолдағандары да, қолдамағандары да бар болып шықты. Сондықтан тоқеретін айтып, қорытынды жасау үшін Мұратбек Ержақып пен Ғазиза Ұзақтың пікірін білген едік.

  Мұратбек Ержақып: Менің ойымша, әр ұлттың өз салт-дәстүрі болады. Атамыз қазақта қыздары өздері сезімдерін бірінші болып білдірмеген, бірақ та жастардың бас қосатын жиын-тойларында жігіттер мен қыздар бір-біріне сыйлық жасап, ғашықтық көңілін білдіре білген, ән-жырмен. Қыз бала өзінің сыпайылығын сақтаса, қор болмасы анық, біздің жігіттер осал емес қой негізі қызға қарап аузын ашып отыра беретін. Қыз қылығымен жігітті баураса болды.
Ғазиза Ұзақ: Қазақта "Сиыр көзін сүзбесе, бұқа жібін үзбейді" деген бар. Сол себептен де өз сезімін білдіруге асықпайтын кей ер азаматтардан бұрын әйел затының озып кетіп, сөз айтуына өз басым дұрыс қараймын. Ұлттық санамызда, қазақи болмысымызда әу бастан-ақ қалыптасқандай, қай заман болмасын, қандай жағдай болмасын әйел заты ер азаматтан бір саты төмен болуы керек.  

Алайда, меніңше, қыз баланың жігітке алғашқы болып өз сезімін білдіруі айыпты іс емес. Керісінше, екі жақтың батылырақ болуына, бір-бірін дұрыс түсініп, келешекте жақсы сыйласуына жол береді деп ойлаймын.

Дайындаған: Ардақ Құлтай

сурет: vk.com

40
Рейтинг: +6

Дайындаған: Ардақ Құлтай
Қосылған күні: 16 сәуір 2014, 12:09
Пікірлер
+0
16 сәуір 2014, 12:14

"мынаның есі дұрыс па" деп қарап қалатын болар. Бір айтатыным, орыстың қыздары өздеріне ұнаған жігіттерді бір көргеннен ұстап, жібермеуге тырысады. Ал қазақ қыздары бәрін менсінбей келіп, ақыры бір тазды жолықтырады

+0
16 сәуір 2014, 12:22

хахаха, таз деңізші) бәрін солай айта салуға қарсымын!!! асығыс пікір айтқан сияқтысыз 8-)

+0
16 сәуір 2014, 12:38

қазақ қыздарының бақытын қалағандықтан айтып отырмын. Жалпы, қазақ қызына сөз айтудың қажеті жоқ, жай емеуріннің өзі жетіп жатыр ғой. Ал оны қазақ қыздары жақсы біледі

+0
16 сәуір 2014, 12:29

Жаман айттыңыз ғой! Бірақ сөзіңіздің жаны бар екенін мойындауымыз керек)))

+0
16 сәуір 2014, 12:37

шындық әрқашанда күлкілі :cry:

+0
16 сәуір 2014, 12:16

дұрыс айтады, просто «қыздар бірінші қадам жасамау керек» деген стереотип қалыптасып кеткен, меніңше, тура бетіне қарап: "Мен сені жақсы көріп қалдым" деп емес, ортаға бір адамды салу арқылы сезімді білдіруге болады, дегенмен, барлық мәселе жігітке келіп тірелетін сияқты, жігіттің көңілі жоқ болса, қыз байғұста амал жоқ) ал жігіттер қалайда қыздың көңілін таба алады деп ойлаймын) сынбайтын қыз жоқ, сындыра алмайтын жігіт бар деушімеді :|

+0
16 сәуір 2014, 12:31

Дұрыс айтасың. Бірақ, барлық мәсеіле жігітте тұр дегеніңе келіспеймін. Барлық мәселе махаббатта тұр. Жігіт қызды жақсы көрмегені үшін сөз айтпаса, сонда да жігіт кінәлі бола ма сонда?

+0
16 сәуір 2014, 12:32

мен бір жерде кінәлі деген сөз жаздым ба? 8-)

+0
16 сәуір 2014, 12:19

Ода тұрған ештеңе жоқ қой. тек қатты кетпей, шекараны біліп, қылықпен сездіріп, бірдірсе, ода тұрған не бар. Жігіт батылдық танытпаса, іштен тынып қашанғы жүре берер дейсің?

+0
16 сәуір 2014, 12:23

мәселенің бәр жігіттің тормоздығына келіп тіреледі дейсіз ғой :x

+0
16 сәуір 2014, 12:26

Меніңше, әркімнің өз ойы білу керек. Сен бүйт, сен сөйт дегеніміз дұрыс емес сияқты. :arrow:

+0
16 сәуір 2014, 12:28

мынан кім айтып отыр :x

+0
16 сәуір 2014, 12:27

Неге тек "Сені сүйемін!" деген сөзге жабысып қалдық. Бұл құбылысты қазақ қыздары тарихта керемет білдіріп отырған ғой. Көзқарасымен, орамал-шыт тоқып беріп, аттанып бара жатқан азаматқа жабықтан ұрлана қарап, не жеңгесін әзілі арқылы.

+0
16 сәуір 2014, 12:29

ол баяғы заман ғой :D қазір шындығына келгенде жігітке орамал-шыт берсең аяқ киімін сүрте салатын сияқты, жабықтан ұрлана қарайтын киіз үйде жоқ))))

+0
16 сәуір 2014, 12:33

Баяғы заман болса не болыпты? Баяғы заман емес сол заманда да күш шығыстан шығып батысқа бататын, қазір де сондай. Тек адамдардың пиғылы өзгерген. "Ұят болады" деген термин қыздардың сөздік қорынан түсіп қалған ғой.

+0
16 сәуір 2014, 12:36

қыздар ұят боладыны ұмытса, бәрі басқаша болар еді, ұят ұмытылса, біз осы тақырыпты талқылап отырмаста едік, акцентті заманға емес, жағдайға қою керек

+0
16 сәуір 2014, 12:38

шындығына келгенді сіздің айтып отырғаныңыз да стереотип сөздер!!! Ибалы, инабатты, иманды қаншама қыздарымыз жүр, неге оларды бір сөзбен жоққа шығара салу керекпіз? Өзіңіздің қарындасыңыз, әйеліңіз, жеңгеңіз жоқ па?

+0
16 сәуір 2014, 12:49

Бұл тақырыпты талқылаудың өзі осы туралы ойланып жүрген қыздардың бетін ашуы мүмкін. Ал, сосын не болатыны белгілі. Жігіттің бәрі алтын, бәрі сайдың тасындай арлы-ұятты емес. Ниеті қара жігітке аңғал қыз көңіл білдірсе арты не болмақ?! Мен ибалы, инабатты, иманды қыздарды жоққа шығарып отырған жоқпын. Олар бұл туралы ойламайды да(айналып кетейін солардан), біз осы туралы ойлайтын, әрі, ойындағысын жүзеге асыратын қыздар жайлы талқылап отырмыз. "Шешесін көріп қызын ал" деген қазақ. Жігіттер естеріңде болсын, қыздардың шешесін көру мүмкін болмай бара жатса, маңындағы достары мен құрбыларын зерттеп көруге де болады. :ugeek:

+0
16 сәуір 2014, 12:53

жауабыңызға ризаааа болып отырмын!!! барлық адамдар осылай ойласа ғой :?:

+0
16 сәуір 2014, 12:59

Ауыл жақтан кеше келген бойдақ інім бар еді, соған сенің достарыңды қалай таныстырсам екен))) :?

+0
16 сәуір 2014, 12:37

қанша жерден ұялшақ болса да ұнататын жігіт қалай да айтады! ол табиғаттың салып берген дүниесі ғой. Ал қыз қанша жерден қылығын танытса да ұнатпайтын адам бұрылып та қарамайды. Жалпы қазақтың қалыптастырған қағидалары тек жақсы болсын деген ниеттен шыққанын ұмытпау керек. Қарым-қатынасқа бастамашы болған қыз бала болашақта отбасында да барлық жауапкершілікті өзі алуға тиісті болады, сөйтіп ер адамның ролі төмендей береді. Оның арты неге апарып соғары белгілі.

+0
16 сәуір 2014, 12:39

міне, нағыз тоқетер сөз! менің де айтпағым сол еді, жігіт қызға лайықты болса, қыз жігітке лайықты болады! :mrgreen:

+0
16 сәуір 2014, 12:38

Шын айтсам, тұрмыс құрғанша қыздардың бірінші танысып, сөз салатыны жайлы білмеппін. Ардақ маған хаттарын, қыздардың айтатын сөздерін көрсетіп отырады. Оқып, кейде жағамды ұстаймын. Бір жағынан ондай қыздар жерде қалмасы анық, көбіне ұялып, жігіт өзі бірінші келсін деп жүретін қыздар отырып қалады. Өмір шындығы осы боп тұр...

+0
16 сәуір 2014, 12:58

Өмір шындығы жайлы айтқаның орынды, бұл - енді трагедия. Қазір қыздарымыз сырттан келген еңбек мигранттарына, ақшалы басқа ұлт өкілдеріне тұрмысқа шыға бастады. Бұл да ауыр қасірет. Ежелгіде, "ауру астан, дау - қарындастан" деген намысқой қазақтың бүгінгі кейпі мынау...

+0
16 сәуір 2014, 12:42

қыз сезімін білдірсе оны қолдамайсындар, жігіт сезімін білдірсе қыз бетін қайтарып жоқ дейді не болды сонда :ugeek: ?! қысқасы қыздар бірінші бастап беріндер жігіттер жалғастырады :mrgreen:

+0
16 сәуір 2014, 12:45

қазақы тәрбие менталитет деп жүре берсендер осылай кетесіндер, дәстүрдін озығы бар тозығы бар .

+0
16 сәуір 2014, 12:52

Сіздің үнемі қарсы шығып, осы сарындағы пікір қалдыратыныңызға етіміз үйренгелі қашан. Бетіңіз бірнеше рет қайтып, түңілген адам сияқтысыз. Десе де бақыт тілеймін сізге. Бар өмір алда, үмітсіздіктен сақтасын. Құдай маңдайға жазған шынайы жартыңыз жолыққанда сіз де қарап қалмайсыз, ол да бетіңізді қайтармайтынына сенімді болыңыз. Жай ғана тағдырдан шын ниетпен сый күтіңіз.

+0
16 сәуір 2014, 13:27

мен бетім қайтып түнілдім деген жоқпын, өмірдін шындығын жаздым өзінізде білесіз

+0
16 сәуір 2014, 13:46

сіздікіндей ұрсып, ренжіп айтылатын пікірлер себепсіз болуы мүмкін емес) дегенмен жігітсіз ғой, намысқа тырысып шағымданбассыз. Ал қазақтың менталитет-тағылымын аттап, бақытты болам дегендер оңбай қателеседі. Ұлттық құндылықтар алдымен сол ұлттың бақытты болашағы үшін қажет.

+0
16 сәуір 2014, 13:21

Қыздардың өз бақыты үшін сондай тәуекел қадамдарға барса оның несі айып,ол батылдықтың белгісі! Сәтсіздікте болуы мүмкін бірақ дұрыс түсінер жігіт болса тіптен жақсы яғни жақсылыққа бастар қадам ғой, оз бақыты үшін күресу!

+0
16 сәуір 2014, 13:27

Қыз сезімін білдірсе, көп жігіт сезімді бағаламай, оған жеңілтек қыз ретінде қарап жатады. Түсінгенім - жігіттердің басым бөлігі қызға аса ауыр қадамдармен, қиындықпен қол жеткізгенді қалайды екен ))

+0
16 сәуір 2014, 13:47

енді осыны мәртебелі мырзаларға түсіндіріп көріңіз, оңай келген сезімнен, өзі келген қыздан не бақыт табам деп ойлайды екен....

+0
16 сәуір 2014, 13:56

мен осы массагеттің бір жерінен "сүйсең - сүйдім деп айт, сағынсаң - сағындым деп айт, жек көрсең - ұмыт" дегенді көріп айтып тастағанмын :idea: жеңілдеп қалдым. қайта әр нәрсені ойлап жүрмейсің рахат :idea:

+0
16 сәуір 2014, 13:58

Болады білдірсе тек ретімен

+2
16 сәуір 2014, 14:47

Неееаа! Ваааще қарсымын! Өлімнен ұят күшті. Өлсем де бірінші болып сезімімді білдірмеспін

+0
16 сәуір 2014, 23:33

Кыз егер унатып турса козимен, кылыгымнн, ангимелесу аркылы билдирсе болады. Ал, ози биринши болып жигитке соз айтуга мулде карсымын. Мундай жагдай оз басымнан откен. Мектепте окушы едик кой, озимнен бир сынып жогары окитын кластасымнын агасына гашык болдым. Бала махаббат кой сосын хат жазгам. Кейин ол жигитти корсем уялатын болдым. Бул жауапсыз махаббат болатын...

+0
17 сәуір 2014, 02:00

"Бір сөзбен айтқанда дұрыс қыз "легкодоступный" болмауы керек"
деген пікір иесіне ризамын! ;) ДҰРЫС жігіт қыздардың өздері бірінші хабарласа беретінін де қолдамайды.

+0
17 сәуір 2014, 15:50

Менің ойымша онда тұрған ештене жоқ. Арамызда бар ғой ақылгөйлер дұрыс емес ,менталитетімізге жатпайды, арсыздық деп айтып жататын)) жалпы айтқанда қыз сезімін алғаш білдіру, бұл қыздың тәрбиесіз екенін білдірмейді.Жо5арыда айтып -ткендей мәселе кімнің сезімін бірінші білдіруінде емес, олардың ары қарай жарасып кетуінде

+0
22 сәуір 2014, 23:44

Мен де мысалға бір балаға 2 жыл жарым ғашық болып әрен шыдаған едім осы жақында оған сені жақсы көремін деп айтым ал болса керсінше қуанып қалды.Түкте күлгенде жоқ басында сенікірмеді енді 2 жыл жарымда аз уақыт емес қо.Айтып болғасын бір раххтанып қаласын ғо шіркін ай :shock: :o

+0
15 шілде 2015, 11:46

Негізі "мен сені ұнатып жүрмін"- деп барлық қыз айтатын болса баланс бұзылады. Өте сирек болса ешнәрсе етпейді. Сөз салудың басқа амалдарын қыз бала жақсы ойланса табады.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.