Болмашы ағаттықтың зардабы

Кейде «Біз не үшін өзімізді 100% қызметке арнауымыз керек?» деген сұрақ қоюымыз мүмкін. «Өзін атқарып отырған жұмысына 99,99% арнаса да, жеткілікті емес пе?» деген сұрақ та туындауы мүмкін. Төменде осы мыңнан бір үлес ағаттықтың соңы қандай зардаптарға әкеліп соғатынын қарастырып көрейік. Көпшілік алда-жалда өзінің жұмысқа 99,99%-ын ғана арнайтын болса, онда:

Сағатына 16 мың пошта жолдамасы жол бойы жоғалады;

Сағатына 22 мың дана ақша чегі басқа біреудің атына ағат жолданады;

Чикаго халықаралық әуежайында әр күні екі ұшақ қону барысында қатерге жолығады;

Күніне жаңа өмірге келген 50 нәресте ата-анасына ағат табысталады, яғни ауысып кетеді;

Шипаханада аптасына 500 рет операция жасауда ағаттық кетеді;

Дәрігерлер қауымы жылына 20 мың адамға дәрі беруде ағаттық жасайды, яғни науқас адамға қате дәрі беріледі;

Жоғарыдағы 0,01% жауапкерсіздік және т.б. себептер салдарынан жүрегіңіз жылына түрлі себептермен 32 мың рет артық соғады.

Дайындаған: Сұңқар Ақбоз

Сурет: oxfam.org.hk