Қоштасарда жігіт қызды суретке түсіріп алады. Ал қыз болса, "Мені тауып ал" деген бір-ақ ауыз сөзбен бұрылып кете барады.
Келесі күні таңертең Макки түндегі суретті көріп, уақытының тамаша өткенін сезініп, бір беймәлім тәтті күйге бөленеді де, сол қызды табуға белін буады. Әйткенмен, Макки Кэтидің поштасын жаттап қалмапты...
Жас жігітке көмекке фэйсбуктегі парақшасы келеді. Ол Кэтидің суретін фэйсбукке жүктеп, кім-кім де осы қызды көрген болса, танитын болса, тауып беруін өтінеді.
"Кэтиді іздеу мені ұйқымнан оятқандай болды. Ішімде үмітсіз романтик тығылып жатқанын бұрын да сезетінмін. Оны табам деген үміттемін. Осы жолда өзімді де тауып қалармын, бәлкім", – деген жолдар фэйсбуктің мыңдаған қолданушысына айрықша әсер етіп, интернет қолданушылары Кэтиді жігітпен бірге іздей бастады.
Бір қызды бүкіл әлем боп іздеу жақсы нәтиже беріп, жігіттің "көмекшілері" қызды тауып қана қоймай, Кэтидің интернеттегі парақшасына тыным бермей кетеді.
Бұл бұл ма, Риздің махаббат оқиғасы БАҚ-тың да назарын аударған көрінеді.
Риз болса, кішкене тірлігінің осыншалық күш алып кететінін мүлде күтпегенін айтып, теледидарға түсуден үзілді-кесілді бас тартқан.
Ал Франциядан "табылған" Кэти бұл күндері Ризбен кездесуге асықпағанымен, кетәрі емес екен.
Бұл оқиға мынау тасбауыр ғасырда нағыз махаббат пен махаббатына жету жолында еш нәрседен тайынбайтын серілердің бар екенін айқын дәлелдейді. Көбіне біз "Жігіттер ұсақталып кетті", "Нағыз серілер, қайдасыңдар?", "Романтика өлгелі қашан?!" деген сұрақтарға бас қатырып, мына өмірден баз кешіп жатамыз. Ал әлемнің бір түкпірінде болған осы бір оқиға нағыз махаббаттың қандай формада болсын өмір сүріп, тыныстап жатқаны туралы сыр шертеді...
Айтпақшы біздің басты қаһарманымыз Риз бұл шу сәл саябырсып, ел көңілінен ұмытыла бастаған кезде барып Кэтиге хабарласып көрмек екен. Мұндай оқиға біраз уақыт жүректерден өшпейді-ау...
Дайындаған: Мейіргүл Оңғарова
Сурет: factroom.ru
