Жұмыста өсек айтуға бола ма?

Жұмыста өсек айтуға бола ма?

HeadHunter зерттеу орталығы таяуда ғана сауалнама жүргізіп, адамның дұрыс жұмыс істеуіне кедергі болатын факторларды анықтады.

Нәтижесінде қызметкерлердің 39%-ы өзге әріптестерінің өсек-әңгімелерінен жақсы жұмыс істей алмайтындықтарын мәлімдеп отыр. Сондай-ақ, бітпейтін өтініш-тілектер мен кенеттен шыға келетін жиналыстар да кері әсерін тигізетіндігі анықталды.

Жемісті жұмыстың аяғынан шалатын әрекеттердің қатарында телефон қоңыраулар мен қатты шығатын күлкілер, отбасы, бала-шаға немесе жеке бастың мәселелері бар. Басқа адамдар интернеттің дұрыс ұстамауын, әлеуметтік желілердің көңілді бөлетіндігін айтып отыр. Одан қалса, кеңседегі жөндеу жұмыстары, иістер мен әріптестердің көңіл-күйі де бар.

Бір қызығы, қызметкерлердің 40%-ы осы кедергілерге үйреніп қалған екен және мән бермеуге тырысатын көрінеді. 12%-ы бұл кедергілер жұмыстан бір сәт бас алып, бойды сергітіп алуға жол ашады деп рақмет айтқан. Қалған 40%-ы жұмыс кезінде айтылатын өсектен, телефон қоңырауларынан шаршағандығын, құтылғысы келетіндіктерін айтып, шағымданады. Өйткені, көп адамдар көңіл бөлінгеннен кейін жарты сағат жұмысқа ене алмай отырады. 

54% қызметкерлер осы кедергілер болмаса, жұмысты екі есе жақсы атқаратындықтарына сенімді.

Сондықтан да, жұмыс уақытысында өзге әріптестеріме зияным тимесін десеңіз, артық әрекеттерден аулақ болыңыз.

 Дайындаған: Айгерім Сматуллаева

Сурет:shkolazhizni.ru 


ОҚИ ОТЫРЫҢЫЗ

Соңғы жаңалықтар