Қонақтар келіп қалғанда не үйдегілерді қуанту мақсатында тез әрі оңай дайындалатын тәттінің мәзірі керек пе? Назарларыңызда алма бәліштері.
Құрамы:
4-5 алма (жасыл, қатты түрін таңдаған дұрыс); 1/2 стақан қант; дайын қаттама қамыр; 1 шай қасық даршын (корица); сары май.
Алманы жуып, майдалап тураймыз.
Табаға сары майды ысытып, алманы қуырамыз. Қалауыңызша кішкене мейіз қосуға болады.
Бірнеше минут қуырылған алмаға қант пен даршынды қосып араластырыңыз.
Қамырды қалың етіп жайып, 5*5 см төртбұрыштарға бөлеміз.
Қамырға салманы салып, қарама-қарсы шеттерін қосамыз. Бәліштердің шеттерін жақсы жауып, салманың ағып кетуінен сақтаныңыз.
Бәліштерді пісіру пешіне 200 градусқа 15 минутқа қоямыз. Алма бәліштері дайын!
Астарыңыз дәмді болсын!
Дайындаған: Сания Аринова