Пешке пісетін тауық аяқтарын маринадтаудың бір әдісі

Пешке піскен тауық аяқтары шырынды әрі дәмді болып шығуы үшін оған түрлі маринад қолданады. Маринадты мойенез, томат немесе қаймақ негізінде дайындауға болады. Ал бүгін соя-бал маринадын дайындау жолын ұсынамыз.

Қажетті ингредиенттер:
- 1 ас қасық соя тұздығы;
- 1 ас қасық бал;
- 1 шай қасық қыша;
- 1 ас қасық сұйық май;
- 3 сарымсақ;
- дәмдеуіштер (паприка, базилик, қара бұрыш);
- аздап тұз.

Дайындалу жолы: Тауық аяқтарын жібітіп, жуып, кептіріп қоямыз. Маринадқа арналған ингредиенттерді араластырып, тауық аяқтарына құямыз. Барлығын жақсылап араластырып, бетін пакетпен жауып, тоңазытқышта аз дегенде 3 сағат ұстау керек. Егер уақыт болса, түнге қалдырған жақсы. Содан соң маринады әбден сіңген тауық аяқтарын 180-200 градуста қыздырылған пеште 40-50 минут пісіресіз.

Массагеттен мәзір: Тауық қанатшалары